Aýa raıy
Astana 8 °S
Almaty 6 °S
valıýta baǵamy
USD 412.55
EUR 468.66
RUB 5.79
CNY 58.80

Qostanaıda turǵyn úılerdiń qabyrǵasyna Abaıdyń portreti salyndy

2020 jyldyń 7 tamyz 2020 04:47

QOSTANAI. QazAqparat - Qostanaıdaǵy kópqabatty úıler men saıabaqtarda Abaıdyń portreti ilinip jatyr, dep habarlaıdy QazAqparat oblystyq ishki saıasat basqarmasyna silteme jasap.

Uly aqynnyń portretin salý úshin Tigrohaud Crew shyǵarmashylyq birlestigi Almatydan jergilikti ákimdiktiń shaqyrýymen keldi. Abaı portreti qaladaǵy kópqabatty úıler men saıabaqtarǵa ilinip jatyr. Portrettiń jan-jaǵyna jaryqdıodty shamdar ornatylǵan. Qazirgi ýaqytta Abaı kóshesindegi 16-úıdiń qabyrǵasyndaǵy keskindeme daıyn. Jalpy, tanymal strıt-arterlerdiń oblys ortalyǵyndaǵy jospary kóp.

«Sýretshilerdiń Qostanaıǵa alǵash kelýi emes. Buǵan deıin KJBI aýdanyndaǵy qazaqtyń ulttyq jazba ádebıeti men tiliniń negizin qalaýshy Abaıdyń beınesi salynǵan mýraldy bekitken edi. Bul joly monýmentaldy keskindemeniń úsh týyndysy jasalady. Áýeli, ataqty ǵalym, orta ǵasyr fılosofy Ál-Farabıdiń beınesi. Ol Abaı dańǵyly men Ál-Frabaı kóshesiniń qıylysynda ornalasady. Uly pedagog-aǵartýshy, jazýshy, folklorshy jáne etnograf Ybyraı Altynsarınniń mýraly Táýelsizdik kóshesinde, Sovet Odaǵynyń Batyry Sultan Baımaǵambetov beınelengen portret Gogol-Baımaǵambetov kósheleriniń qıylysynda bolady. Tańdaý kezdeısoq bolǵan joq, osy kórnekti tulǵalardyń barlyǵy Qazaqstan tarıhynda mańyzdy iz qaldyrdy. Jańa kórikti jerler kelesi aptanyń sońyna deıin daıyn bolady dep josparlanýda», delingen basqarma taratqan aqparatta.


Joǵary qaraı