Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaıda memorgandardyń 7 basshysy qylmystyq jaýapkershilikke tartyldy

2021 jyldyń 14 shilde 2021 12:33

QOSTANAI. QazAqparat — Qostanaı oblysynda jyl basynan beri 22 adam qylmystyq jaýapkershilikke tartyldy, onyń jeteýi - memlekettik organ basshylary. Bul týraly Sybaılas jemqorlyqqa qarsy qyzmet otyrysynda málim boldy, dep habarlaıdy QazAqparat.

Sybaılas jemqorlyqqa qarsy is-qımyl vedomstvosynyń baspasóz qyzmeti habarlaǵandaı, otyrys sheńberinde preventsııa jelisi boıynsha jumys nátıjesi, sondaı-aq jedel tergeý bloktary tyńdaldy.

Memleket basshysynyń 2020 jylǵy 1 qyrkúıektegi Joldaýyn iske asyrý jónindegi Jalpyulttyq is-sharalar jospary sheńberinde Qostanaı oblysynyń memlekettik organdary sybaılas jemqorlyq táýekelderine ishki taldaý júrgizdi.

Osy jumys aıasynda oblysta 500-den astam memlekettik organda sybaılas jemqorlyq táýekelderine ishki taldaý jasaldy.

Onyń arasynda qalalar men aýdandardyń ákimdikteri, oblystyq basqarmalar, sondaı-aq aýyldar men aýyldyq okrýgter ákiminiń apparaty bar.

Nátıjesinde 613 sybaılas jemqorlyq táýekeli anyqtalyp, olardy joıý boıynsha myńǵa jýyq usynym engizildi.

«Bul sharalar salalyq zańdardyń problemalyq máselelerin anyqtaýǵa, sondaı-aq memlekettik organdar qyzmetindegi ishki olqylyqtardy kórýge, aldaǵy ýaqytta bul memlekettik organdarǵa quqyqtyq alańda jumys isteýge jáne sybaılas jemqorlyqtyń alǵysharttarynyń paıda bolý múmkindigin aıtarlyqtaı tómendetýge múmkindik beredi», - dedi Qostanaı oblysy boıynsha Sybaılas jemqorlyqqa qarsy qyzmet departamentiniń basshysy Qýanysh Bekbasov.

Esepti kezeńde Qostanaı oblysy boıynsha sybaılas jemqorlyqqa qarsy qyzmeti barlyǵy 42 qylmysty tirkedi, onyń ishinde 39 - sybaılas jemqorlyq.


Joǵary qaraı