Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaıda qylmystyq jazasyn ótep jatqandar týǵandaryn Otbasy kúnimen quttyqtady

2021 jyldyń 12 qyrkúıek 2021 23:30

QOSTANAI. QazAqparat – Qostanaı oblysynda jazasyn ótep jatqan er adam óziniń jaqyndary men týystaryn Otbasy kúnimen quttyqtap, olarǵa dombyra tartyp berdi, dep habarlaıdy QazAqparat Qostanaı oblystyq Qylmystyq atqarý júıesi departamentiniń baspasóz qyzmetine silteme jasap.

Sottalǵan N. dombyrada burynnan oınaıdy. Ol óziniń jaqyndaryn osyndaı erekshe jolmen merekemen quttyqtaǵysy kelgen. Óıtkeni týystarymen kezdesý ylǵı múmkin bola bermeıdi. Al dombyramen ol bir jaǵy jaqyndaryn qýantady, ekinshi jaǵynan jadynda qalǵan kúılerdi taǵy bir jańǵyrtýdyń jaqsy múmkindigi.

«Dombyranyń únin qatty unatam. Mýzyka maǵan qıyndyqtardy eńserip, ómirge degen kózqarasymnyń oń bolýyna yqpal etip keledi. Men bostandyqta júrgenimde dombyra tartqanymdy týǵandarym erekshe unatatyn. Sondyqtan búgingi syı olarǵa taǵy bir qýanyshty sát syılady degen oıdamyn»,-dedi jazasyn óteýshi.

Vedomstvonyń habarlaýynsha, sottalǵandardy týǵan-týystarynyń qoldaýy olardyń túzelýine, odan ári qoǵam ómirine belsene aralasýyna yqpal etetin myqty faktorlardyń biri.

Qonys kolonııasynda osy kúni Otbasy kúnine arnalǵan taǵy da birqatar sharalar ótti.

Mekeme basshylyǵy saltanatty jaǵdaıda sottalǵandardy quttyqtap, olarǵa otbasylyq qundylyqtardy saqtaýdyń mańyzdylyǵy týraly aıtty. Sondaı-aq osy kúni sottalǵandar ózderiniń jaqyndaryn onlaın baılanys arqyly quttyqtady.


Basty sózder: Otbasy, Qostanaı oblysy,
Joǵary qaraı