Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaıda koronavırýs juqtyrý kórsetkishi 8,4% artty

2021 jyldyń 21 qazan 2021 21:07

QOSTANAI. QazAqparat – Qostanaı oblysynda epıdemıologııalyq ahýaldyń nasharlaǵany baıqalady. Onyń sebepteriniń biri – halyqty vaktsınalaý belsendiliginiń tómendiginde. Bul týraly aımaq ákimi Arhımed Muhambetov málim etti, dep habarlaıdy QazAqparat tilshisi.

Búgin Arhımed Muhambetovtyń qatysýymen KVI-diń taralýyna jol bermeý jónindegi jedel shtabtyń kezekti otyrysy ótti.

«Monıtorıng toptarynyń jumysy qaraldy. Bıylǵy jyldyń 1 qyrkúıeginen bastap monıtorıng toptary 2 661 reıd ótkizdi, 122 karantın talaptarynyń buzylý faktisi anyqtaldy. Ókinishke qaraı, epıdemıologııalyq jaǵdaıdyń nasharlaǵany baıqalady. Sonymen, ótken aptada aýrýshańdyq (13-19 qazan aralyǵynda – 735 jaǵdaı) aldyńǵy aptamen salystyrǵanda (6-12 qazan aralyǵynda – 678 jaǵdaı) 8,4% artty. Qazirgi ýaqytta tósek-oryndar júktemesi 39% quraıdy. 643 adam em qabyldap jatyr, 1 qazanda 600 adam bolǵan edi, ósim - 7,2%», - dep habarlady A.Muhambetov óziniń Instagram paraqshasynda.

Óńir basshysy sanıtarlyq-epıdemıologııalyq jaǵdaıdyń nasharlaýyn halyqty vaktsınalaý kórsetkishteriniń tómen bolýymen baılanystyrady.

«Qazirgi ýaqytta vaktsınanyń birinshi komponentimen 324,3 myń adam nemese halyqtyń 64,2% ekpe egildi. Onyń ishinde 300,6 adam nemese 59,5% ekinshi komponentpen vaktsınalanǵan», - dedi A.Muhambetov.

Eske sala keteıik, buǵan deıin aımaqta KVI juqtyrǵan júkti áıelderdiń sany kóbeıgeni týraly habarlanǵan edi.

Dáriger pandemııa kezinde júkti áıelderge arnalǵan aldyn alý sharalary týraly aıtqan bolatyn.


Joǵary qaraı