Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaıda kópqabatty úı órtenip, páterde bolǵan áıel men erkek kúıip qaldy

2021 jyldyń 20 qazan 2021 21:18

QOSTANAI. QazAqparat – Qostanaıdaǵy Chkalov kóshesinde bes qabatty turǵyn úı órtenip, turǵyndary evakýatsııalandy, olardyń arasynda zardap shekkender de bar, dep habarlaıdy QazAqparat Qostanaı oblystyq tótenshe jaǵdaılar departamentiniń baspasóz qyzmetine silteme jasap.

20 qazan kúni saǵat 00:47-de qaladaǵy Chkalov kóshesinde bes qabatty úıdegi páterden órt shyqqan. Órt týraly «101» nómirine kórshileri habar berdi.

Órt sóndirýshiler tótenshe oqıǵa ornyna birneshe mınýttan soń kelip, ekinshi qabatta ornalasqan páterde 7 sharshy metr aýmaqta jıhaz, tereze jáne plastık balkon órtenip jatqanyn anyqtaǵan.

Páter ishinde eki adam: 1969 jylǵy er adam men 1975 jylǵy áıel boldy.

Qutqarýshylar áıelden terezeden shyǵardy, al baldaqtyń kómegimen júrgen er adamdy páter esigi arqyly evakýatsııalaýǵa týra kelgen.




«Qutqarýshylar zardap shekkenderdi medıtsınalyq qyzmetkerlerge tapsyrdy. Áıeldiń denesin 10-19 paıyz kúıik shalsa, al páter ıesi bolǵan er adamnyń denesiniń 30-39 paıyzy kúıgen. Oǵan qosa, ekeýiniń de alkogoldi mas kúıde bolǵany anyqtaldy», - dep habarlady vedomstvodan.

Qazirgi kezde zardap shekkender Qostanaı qalalyq aýrýhanasynda jatyr.

«Órt saǵat 01:23-te sóndirildi. Oqıǵa ornynda 3 tehnıka men jeke quramnyń 10 qyzmetkeri jumys istegen. Órt kezinde úıdiń barlyq turǵyndary (20 adam, sonyń ishinde 5 bala) óz betinshe shyqty, olardyń eshqaısy zardap shekken joq», - dep túıindedi TJD-dan.





Joǵary qaraı