Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qostanaıda qalǵan Reseı azamattary eline qalaı qaıtady

2022 jyldyń 10 qańtar 2022 20:14

QOSTANAI. QazAqparat – Qazirgi kezde Qostanaı oblysynda qalyp qoıǵan Reseı Federatsııasynyń azamattary óz elderine qalaǵan ýaqytta kez kelgen jolmen orala alady. Alaıda komendanttyq saǵat kezinde avtokólikpen júrýge ruqsat joq. Bul týraly Qostanaı oblysynyń komendatýrasy málimdedi, dep habarlaıdy QazAqparat tilshisi.

«Qazirgi kezde Qostanaı oblysynda qalyp qoıǵan Reseı turǵyndary elden avtokólik, poıyz jáne ushaqpen kete alady. Alaıda komendanttyq saǵat kezinde avtokólikpen júrýge tyıym salynǵan. Atalǵan tyıym jergilikti atqarý organdary, quqyq qorǵaý organdary, jedel járdem, memlekettik medıtsınalyq mekemeler, sanıtarlyq-epıdemıologııalyq qyzmetter, órt sóndirý, apattyq qutqarý, apattyq tehnıkalyq qyzmetter men strategııalyq nysandardyń, tirshilikti qamtamasyz etý nysandarynyń, úzdiksiz óndiristik tsıkli bar ónerkásiptik kásiporyndardyń óndiristik protsesin qamtamasyz etetin qyzmetkerlerdiń kólikterine júrmeıdi», - dedi komendatýradan.

Eske sala keteıik, budan buryn Qostanaı oblysynda qoǵamdyq tártiptiń qalpyna kelgeni týraly habarlanǵan bolatyn.

Óńirde 19 qańtarǵa deıin alkogol ónimderin satýǵa tyıym salynǵan, oblystaǵy 14 blokposta júzden asa qostanaılyq polıtseı jumys istep jatyr.


Joǵary qaraı