Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaıda garajda paıdalanylǵan qurylys kóbiginiń gazy qoparylyp, eki adam zardap shekti

2021 jyldyń 17 qyrkúıek 2021 11:25

QOSTANAI. QazAqparat – Qostanaıda jeke úıdiń aýmaǵynda garaj jertólesinde paıdalanylǵan qurylys kóbiginiń gazy qoparylyp, eki adam zardap shekti, dep habarlaıdy QazAqparat Qostanaı oblystyq TJD-ǵa silteme jasap.

«16 qyrkúıek kúni saǵat 17.12-de 101 nómirine Qostanaı qalasy, Borodına kóshesindegi 116-úıde gaz-aýa qospasy jarylǵany týraly habar tústi. Oqıǵa ornyna eki órt sóndirý ekıpajy (9 adam) jiberildi. Qutqarýshylar garajdan es-tússiz jatqan bir zardap shegýshini shyǵaryp, jedel járdemge berdi. Taǵy bir zardap shegýshige kýágerler kómektesken», - delingen TJD-nyń habarlamasynda.

Qazirgi málimet boıynsha, jertólede qabyrǵany jylytý úshin «Polynor» qurylys kóbigi paıdalanylǵan. Qurylys kóbigin qoldaný kezinde jarylý qaýpi bar, aýaǵa kóp gaz kontsentratsııasy taralyp qoparylǵan. Qurylysshylar paıdalanatyn polıýretan jylytqyshtyń quramynda dıfelnılmetandıızotsıanat bar. Ol jabyq keńistikte joǵary kontsentratsııaǵa jetip, jarylýy múmkin.
Oqıǵanyń mán-jaıyn anyqtaý úshin materıaldar Qostanaı qalalyq polıtsııa basqarmasyna jiberildi.

Basty sózder:
Joǵary qaraı