Aýa raıy
Astana 10 °S
Almaty 10 °S
valıýta baǵamy
USD 412.55
EUR 468.66
RUB 5.79
CNY 58.80

Qostanaıda bıznes sýbektileri jumysyna ruqsat etiledi – Arhımed Muhambetov

2020 jyldyń 6 tamyz 2020 20:15

QOSTANAI. QazAqparat – Búgin koronavırýstyq ınfektsııanyń taralýyna jol bermeý jónindegi jedel shtabtyń otyrysy ótti. Onda karantındik is-sharalardy saqtaý máseleleri qaraldy, dep habarlaıdy QazAqparat oblys ákiminiń áleýmettik jelidegi resmı paraqshasyna silteme jasap.

Oblys ákimi kásipkerlerdiń ótinishi boıynsha 10 tamyzdan bastap naýqastardyń azaıýy saqtalǵan jaǵdaıda karantın sharalarynyń jeńildeıtinin aıtty. Bul rette sanıtarlyq-epıdemıologııalyq ahýaldyń turaqtalǵany nazarǵa alynbaq. Sonymen Qostanaı oblysynda kelesi jeńildetý sharalary qabyldanady:

1. Aýdany 500 sharshy metrge deıingi azyq-túlik emes dúkenderdiń jumys isteýine ruqsat berý, bul rette kórsetilgen alańnan joǵary obektiler jumysty «klıentke deıin « qaǵıdaty boıynsha ǵana jalǵastyrady;

2. Skverlerdiń, saıabaqtardyń, onyń ishinde olardyń aýmaqtarynda ornalasqan saýda núkteleriniń (Attraktsıondardyń, balalar oıyn alańdarynyń, batýttardyń, balalar velosıpedterin, balalar mashınalaryn jalǵa berýdi qospaǵanda) qyzmetine ruqsat etiledi. Áleýmettik qashyqtyqty saqtaı otyryp, 3 adamnan kóp toptasyp júrýge bolmaıdy. Bul shekteý bir otbasynyń múshelerine qatysy joq;

3. Oblys qalalarynda qoǵamdyq kóliktiń qozǵalys kestesi saǵat 06:00-den 21:00-ge deıin belgilenedi.

«Bıznes sýbektileri karantın sharalaryn buljytpaı saqtaǵan jaǵdaıda ǵana jumys isteı bastaıdy, ol úshin monıtorıng toptar aldaǵy 3 kún ishinde KVI aýrýynyń aldyn alý jónindegi talaptardyń saqtalýyna baǵalaý júrgizedi.

Osy aptadan bastap biz kásiporyndardaǵy barlyq sanıtarlyq normalardy qoldanystaǵy talaptarǵa sáıkes keltirý boıynsha júıeli daıyndyq jumysyn júrgize bastadyq. Bıznes sýbektileri qyzmetiniń bastalýy boıynsha jumys kezeń-kezeńimen júrgiziledi.

Otyrys qorytyndysy boıynsha bas sanıtarlyq dárigerdiń qaýlysyna tıisti ózgerister engizýdi tapsyrdym», dep jazdy Arhımed Muhambetov áleýmettik jelide.


Joǵary qaraı