Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qostanaıda avtobýsta dinı ýaǵyz aıtqan áıelge aıyppul salyndy

2022 jyldyń 19 mamyr 2022 16:33

QOSTANAI. QazAqparat – Qostanaı turǵyny qalalyq qoǵamdyq kóliktegi zańsyz mıssıonerlik qyzmeti úshin jaýapqa tartyldy, dep habarlaıdy QazAqparat Qostanaı oblystyq PD baspasóz qyzmetine silteme jasap.

Tártip buzýshyǵa 214 410 teńge aıyppul salyndy.

Qostanaı oblysy PD Ekstremızmge qarsy is-qımyl basqarmasynyń qyzmetkerleri ınternet-resýrstarǵa monıtorıng júrgizý barysynda oblys turǵynynyń qoǵamdyq kólikte zańsyz mıssıonerlik qyzmetti júzege asyrǵanyn anyqtady.

Áıel avtobýsta dinı ýaǵyz aıtqan. Jolaýshylar ony vıdeoǵa túsirip alyp, áleýmettik jelilerge jarııalaǵan.

Polıtseıler qala turǵynynyń mıssıonerlik qyzmetke ruqsat qujattary joq ekenin anyqtady.

Beınejazba, sondaı-aq kýágerlerdiń aıǵaqtary negizinde QR ÁQBtK-niń 490-baby boıynsha ákimshilik hattama toltyryldy.

Qostanaı oblystyq PD din týraly zańnyń qabyldanýynyń arqasynda mundaı faktiler qysqarǵanyn atap ótti.

Endi dinı birlestikter ózderiniń is-sharasyn belgilengen oryndarda ótkizedi, al mıssıonerlik qyzmet tek tirkelý arqyly júzege asyrylady.

Sotta áıel óz kinásin moıyndady. Sot sheshimi zańdy kúshine endi.


Basty sózder: Qostanaı, Din, Oqıǵa, Qostanaı oblysy, Kólik,
Joǵary qaraı