Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qostanaı oblysynyń bas sanıtarlyq dárigeri jańa qaýlyǵa qol qoıdy

2022 jyldyń 14 qańtar 2022 19:53

QOSTANAI. QazAqparat – Qostanaı oblysynyń bas sanıtarlyq dárigeri Ermuhanbet Dáýletbaev jańa qaýlyǵa qol qoıdy, dep habarlaıdy QazAqparat tilshisi.

Jańa qujatqa sáıkes, forým, konferentsııa, oıyn-saýyq, otbasy, eske alý sharalaryn (banket, toı, mereıtoı) jáne basqa da adam kóp jınalatyn sharalardy úıde jáne ashyq jerde ótkizýge tyıym salynady. Sonymen qatar korporatıvtik jáne basqa da adam kóp jınalatyn sharalardy ótkizý maqsatynda jeke ıeliktegi úı men qurylystardy jalǵa berýge bolmaıdy. Alaıda Ashyq jobasyna qatysatyn qoǵamdyq tamaqtaný oryndarynda 30 adamǵa deıin as berýge ruqsat etiledi.
«600-ge deıin oqýshysy bar oblys ortalyǵy, qalalar men aýdan ortalyqtarynyń mektepteri shtattyq rejımde jumys isteıdi; al bilim alýshylar sany 600-den asatyn mektepter qashyqtan oqytady, aýyl mektepteri shtattyq rejımde bilim beredi, 1-2 synyptar shtattyq rejımde jumys isteıdi, 3-5 synyptar – kezekshi synyptar (qashyqtan oqytý jaǵdaıynda). Kolledj ben JOO stýdentteri aralas formatta bilim alady: dárister onlaın ótse, praktıkalyq, zerthanalyq, semınar sabaqtar shtattyq rejımde bolady», - delingen qaýlyda.
Sonymen qatar bilim ordasynyń ákimshiligi ruqsatyn bergen jaǵdaıda, vaktsınalaýdyń tolyq kýrsyn alǵan oqýshylar men stýdentter shtatty rejımde bilim alady.
«Mektepten tys uıymdarda jeke jáne 10 oqýshyǵa deıingi toptyq sabaqtar, múmkindigi shekteýli balalar/eresekterge arnalǵan túzetý mektepterindegi jeke jáne 8 adamǵa deıingi toptyq sabaqtar shtattyq rejımde ótedi», - delingen qujatta.
Jańa erejeler 2022 jyldyń 15 qańtarynan bastap kúshine enedi.
Avtory Janna Musabaeva


Joǵary qaraı