Aýa raıy
Astana -8 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynyń 40 aýyly keń jolaqty ınternetke qosyldy

2020 jyldyń 26 qarasha 2020 22:36

QOSTANAI. QazAqparat – Qostanaı oblysynda talshyqty-optıkalyq baılanys jelileriniń qurylysy aıaqtaldy, dep habarlaıdy QazAqparat «Qazaqtelekom» kompanııasynyń jurtshylyqpen baılanys qyzmetine silteme jasap.

Buǵan deıin joǵary jyldamdyqty ınternet Batys Qazaqstan, Atyraý, Aqtóbe, Mańǵystaý, Qaraǵandy, Qyzylorda jáne Pavlodar oblystarynyń eldi mekenderine tartylǵan bolatyn. Joba Qostanaı oblysynda jalǵasty. Óńirdegi talshyqty-optıkalyq baılanys jelileriniń uzyndyǵy 937 shaqyrymdy qurady. Qazir memlekettik organdar men áleýmettik nysandar joǵary jyldamdyqty ınternetke qosylǵan. Máselen Qarasý aýdanynda 43 shaqyrym baılanys jelisi júrgizilgen. Aýdannyń Qaramyrza aýylynda 800 adam turady. Turǵyn úılerden tys, mektep, feldsherlik-akýsherlik pýnkt, aýyldyq ákimdik, veterınarlyq pýnkt jáne polıtsııa bólimshelerine de sapaly ınternet tartyldy.

Qaramyrza aýylyndaǵy orta mektep dırektory Gúlshat Tólegenovanyń aıtýynsha, Qaramyrzada 109 oqýshy bilim alady. Qazir pedagogtardyń jumysy burynǵyǵa qaraǵanda áldeqaıda jeńildegen.

«Bul oqý protsesiniń jaqsarýyna múmkindik beredi. Muǵalimder túrli vebınarlar men sabaqtardyń onlaın-translıatsııalaryna qosylýǵa, Bilimland elektrondyq-tsıfrlyq bilim berý platformasymen jumys isteýge daǵdylandy. Kundelik elektrondy jýrnalyn toltyrý muǵalimder úshin qıyndyq týdyrmady. Túlekter onlaın-testileý arqyly UBT-ǵa daıyndalyp jatyr. Synyp jetekshileri ınternetten alynǵan aqparatty qoldana otyryp, synyp saǵattaryn ótkize alady. Buryn mundaı múmkindik bolmaǵan edi», - deıdi Gúlshat Tólegenova.

Talshyqty-optıkalyq baılanys jelisi aýyldaǵy veterınarlyq pýnktke de jetti. Qaramyrzanyń veterınarlyq dárigeri Irına Kıseleva joǵary jyldamdyqty ınternettiń kómegimen «Aýylsharýashylyq janýarlaryn sáıkestendirý» aqparattyq júıesinde ońaı jumys isteıtinin atap ótti.

Iá, jyldamdyǵy joǵary ınternetke qosylý shalǵaı aýyldyń turǵyndary úshin aıtýly jańalyq. Budan bólek, qaramyrzalyqtar «iDTV» tsıfrlyq baǵdarlamasy arqyly 120 otandyq arnany tegin kóre alady.

Jalpy Qostanaı oblysynda talshyqty-optıkalyq baılanys jelileriniń qurylysy 40 aýylda aıaqtaldy. Nátıjesinde 129 memlekettik organ men bıýdjettik uıymdar joǵary jyldamdyqty ınternetke qol jetkizdi.


Joǵary qaraı