Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynda traktor, kombaındardyń ramasy men kabınasy shyǵarylady

2021 jyldyń 3 jeltoqsan 2021 18:03

NUR-SULTAN. QazAqparat – Ortalyq kommýnıkatsııalar qyzmetinde Qostanaı oblysynyń ákimi Arhımed Muhambetov óńirde aýyl sharýashylyǵy tehnıkasy óndirisine qatysty túsinik berdi, dep habarlaıdy QazAqparat tilshisi.

«Negizgi kapıtalǵa salynatyn ınvestıtsııalarǵa keletin bolsaq, esepti kezeńde óńir ekonomıkasyna 11 % ósimimen 306,2 mlrd teńge tartyldy (2020 jylǵy 10 aıda - 264,7 mlrd teńge). Aǵymdaǵy jyly biz osy qarqyndy ustap turyp qana qoımaı, ony ulǵaıtýǵa da nıettimiz. Sondyqtan ınvestıtsııalyq jobalardy, sonyń ishinde Reseı Federatsııasymen ónerkásiptik kooperatsııany nyǵaıtý sheńberinde de iske asyrýdy jalǵastyramyz. Máselen, 2020 jylǵy jeltoqsanda «KAMAZ» kompanııasymen birlesken joba aıasynda óndiris qýaty jylyna 46 myń tonna quıma quıatyn shoıyn quıý zaýytynyń qurylysy bastaldy. Investıtsııanyń jalpy kólemi 78,2 mlrd teńge, 300 jumys orny ashylatyn bolady», - dedi A. Muhambetov.

Onyń aıtýynsha, yntymaqtastyqtyń kelesi kezeńi «KAMAZ» júk avtomobılderiniń jetekshi beldikteri basty berilisteriniń óndirisi bolyp otyr («KamLitKZ» jaýapkershiligi shekteýli seriktestigi, 82,5 mlrd teńge, 360 jumys orny). Jobalar eksportqa baǵdarlanǵan, shyǵarylatyn ónimniń basym bóligi «KAMAZ» zaýyttaryna jiberiledi.

«Kelesi iri joba – «AgromashHoldıng KZ» aktsıonerlik qoǵamynyń bıznes-ınkýbatory bazasynda aýyl sharýashylyǵy tehnıkasy avtokomponentteriniń óndirisi boıynsha Jergiliktendirý ortalyǵyn qurý, ınvestıtsııalardyń jalpy kólemi 12,6 mlrd teńgeni quraıdy, 450 jumys orny ashylady. Jergiliktendirý ortalyǵy (tehnıkalyq iske qosýy aǵymdaǵy jyldyń naýryzynda júzege asyryldy) - bul shamamen 35 myń sharshy metr. Ortalyqta eń jańa jabdyqtar, sonyń ishinde Qazaqstan úshin kólemi jaǵynan biregeı metall bólshekterin untaqpen boıaıtyn ıtalıandyq jeli ornatylǵan, sonyń arqasynda jylyna 1 200 kombaın jıyntyǵyna deıin boıaýdy júzege asyrý múmkindigi paıda bolady», - dedi oblys ákimi.

Kompanııa traktorlar, kombaındar, tuqym sepkishter, destelegishter jáne basqalary úshin óndiriletin komponentterdiń qýatyn, sapasyn, sondaı-aq kólemderin de arttyrýǵa múmkindik beretin zamanaýı jabdyqtardy satyp aldy.

Onyń sózine qaraǵanda, «AgromashHoldıng KZ aktsıonerlik qoǵamynyń Jergiliktendirý ortalyǵy óz óndirisin jergiliktendirý deńgeıin ulǵaıtatyn bolady. 2025 jylǵa qaraı «Kırovets», «LOVOL» traktorlary men «ESSIL» kombaındary úshin ramalar men kabınalar shyǵarý josparlanýda, bul tehnıkanyń osy túrleri boıynsha jergiliktendirý deńgeıin 50%-ke deıin jetkizýge yqpal etetin bolady.


Joǵary qaraı