Aýa raıy
Astana -17 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynda tegin dáriler kimderge beriledi

2020 jyldyń 27 qarasha 2020 20:08

QOSTANAI.QazAqparat – Qostanaı oblysy Qoǵamdyq baqylaýynyń jumysy Jitiqara qalasynda jalǵasty, dep habarlaıdy QazAqparat tilshisi.

Áleýmettik jelilerde turǵyndary Jitiqara aýdandyq aýrýhanasynyń jumysyna syn aıtyp, másele kótergen. Atap aıtqanda, turǵyndar ózderine tıesili dári-dármekterinen qaǵylyp jatqandaryn sóz etken. Іske Qostanaı oblysynyń Qoǵamdyq baqylaý toby aralasty. Olar polıtsııa ókilderi jáne volonterlermen birge 23-27 qarasha aralyǵynda Jitiqaraǵa baryp, aýrýhanadaǵy jaǵdaımen tanysty.

«Jitiqaralyq turǵyndardyń áleýmettik jelilerdegi shaǵymdaryn zerttedik. Olar dárigerlerdiń jumysyna syn aıtyp, úıde ózdigimen emdelip jatqandarǵa preparattardyń jetkizilmeı jatqanyn habarlaǵan. Árıne, bul tusta ýchaskelik mamandar men halyq arasynda túsinbeýshilik týyndaǵan. Qazir dárigerlerdiń jaǵdaıyn túsinýge bolady, ýaqyt jaǵynan úlgirmeı jatyr. Ekinshiden, turǵyndarǵa da tıisti túsinik jumystary júrgizilmegen. Jalpy medıtsınalyq preparattar barlyǵyna tegin emes. Tegin dári tek emhanada jatqandarǵa, jaǵdaıy qıyn patsıentterge beriledi. Al úıde oqshaýlanǵan naýqastar ózderiniń qaltalarynan qarjy shyǵaryp, dári-dármek satyp alýlary tıis. Bul jerde eshkimdi kinálaýǵa bolmaıdy. Tek halyqqa aqparattyq-nasıhattaý jumystarynyń der kezinde júrgizilmegeninen osyndaı másele týyp otyr», - dep atap ótti Qoǵamdyq baqylaý tobynyń jetekshisi Nesibeli Básenova.

Qoǵamdyq baqylaý toby Jitiqara aýrýhanasynyń kireberisindegi termometrııanyń joqtyǵyn eskertti. Sondaı-aq qabyldaýǵa kezekte turǵan patsıentter arasynda qashyqtyqtyń saqtalmaýy anyqtalǵan. Bul másele aýrýhananyń bas dárigerine jetkizildi.





Joǵary qaraı