Aýa raıy
Astana -22 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynda órtenip ketken aýrýhana tez arada jóndeledi – ákim

2020 jyldyń 25 qarasha 2020 00:41

QOSTANAI.QazAqparat – Búgin Qostanaı oblysynyń ákimi jumys saparymen Fedorov aýdanynda boldy, dep habarlaıdy QazAqparat oblys ákiminiń baspasóz qyzmetine silteme jasap.

Óńir basshysy aldymen Fedorov aýdandyq ortalyq aýrýhanasyna bardy. Aıta keteıik, osy jyldyń 9 qarashasynda aýdanyndyq aýrýhana órtenip ketken edi. Sol sebepti aýrýhana patsıentteri oblys ortalyǵyna kóshirildi. Qazir aýrýhananyń shatyryn qalpyna keltirý jumystary júrgizilýde. Arhımed Muhambetov aýrýhanany jaqyn arada qalpyna keltirýdi tapsyrdy.

«Oblys basshysy ıÝnatskıı jáne Melehov kóshelerindegi joldardyń sapasyn kórdi.

Jóndeý jumystary «Jumyspen qamtý jol kartasy» baǵdarlamasy aıasynda júrgizildi, quny 177,2 mln teńgeni quraıdy.

Odan ári ákim 24 jáne 4 páterli turǵyn úılerdiń qurylys barysymen tanysty. 24 páterli turǵyn úıdiń qurylysyna 223 mln. teńge bólindi. Qazirgi ýaqytta shatyrdy jylytý, metall plıtkalardy montajdaý, árleý jumystary bastaldy», delingen oblys ákiminiń baspasóz qyzmeti taratqan aqparatta.

Arhımed Muhambetov budan ári gazben janatyn blokty-modýldi ortalyq qazandyǵyna bardy. Jobanyń jalpy quny 88,7 mln teńge bolady. Nysan aǵymdaǵy jyldyń qazan aıynda paıdalanýǵa berildi.

Sapar qorytyndysy boıynsha oblys ákimi josparlanǵan jumystardy ýaqtyly jáne sapaly aıaqtaýdy tapsyrdy.

Joǵary qaraı