Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynda kitaphanalar men mýzeılerdiń qyzmetine ruqsat berildi

2021 jyldyń 26 aqpan 2021 22:04

QOSTANAI. QazAqparat — Oblys ákimdigi janynan qurylǵan jedel shtab 1 naýryzdan bastap karantın sharalaryn jeńildetý týraly qaýly qabyldady, dep habarlaıdy QazAqparat.

Qostanaı oblysy memlekettik sanıtarlyq bas dápteriniń sheshimimen óńirde dinı obektilerdiń (meshitter, shirkeýler, soborlar, sınagogalar jáne t. b.) qyzmetine ruqsat etildi. Bul rette ǵımarat ishinde jeke, ujymdyq is-sharalar ótkizilmeıdi jáne juma namazynda adamdar arasyndaǵy qashyqtyq saqtalady. Sondaı-aq meshit ishindegi qoǵamdyq tamaqtaný obektileriniń jumysyna tyıym salyndy.

«Kúsheıtilgen sanıtarııalyq sharalardy saqtaı otyryp, shtattyq rejımde jumys kestesin belgilep, azyq-túlik dúkenderiniń barlyq túrleriniń qyzmetine ruqsat beriledi. Kitaphanalar men mýzeılerdiń, fotosalondardyń, gúl satatyn obektilerdiń jumysy jalǵasady. Azyq-túlik jáne azyq-túlik emes bazarlardyń, onyń ishinde jabyq bazarlar tolyq rejımde jumys isteıdi. Kúsheıtilgen sanıtarııalyq – dezınfektsııalyq sharalardy saqtaı otyryp, sanatorıılerdiń, profılaktorıılerdiń, úıler men demalys bazalarynyń shtattyq rejımdegi jumysyna ruqsat berilsin», delingen qaýlyda.

Sonymen qatar aımaqta halyqqa qyzmet kórsetý salasyndaǵy (qonaq úıler, qonaq úıler, týrıstik bazalar jáne t. b.) nysandardyń jumysy jandanbaq.

Memlekettik uıymdar keńseleri, kvazımemlekettik sektor organdary men ulttyq kompanııalardyń, kásipkerlik sýbektileriniń qyzmetine ruqsat berildi.


Joǵary qaraı