Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qostanaı oblysynda karantın shekteýleri kúsheıtiledi

2022 jyldyń 19 qańtar 2022 18:21

QOSTANAI. QazAqparat – Qostanaı oblysy bas sanıtar dárigeriniń karantın shekteýlerin kúsheıtý týraly jańa qaýlysy shyqty, dep habarlaıdy QazAqparat tilshisi.

«Halyqtyń qoǵamdyq kóliktegi baılanystaryn azaıtý úshin uıymdar (kásiporyndar) jumysynyń saralanǵan kestesin engizý jóninde sharalar qabyl-dansyn», - delingen qaýly jobasynda.

Sondaı-aq forýmdardy, konferentsııalardy, semınarlardy, oıyn-saýyq, merekelik, estelik is-sharalardy (banketter, úılený toılary, mereıtoılar, eske alý), onyń ishinde úıde jáne ashyq aýada da, úı ishinde de adamdar kóp jınalatyn ózge de is-sharalardy ótkizýge tyıym salynbaq.

Ondaı sharalardy ótkizý úshin jeke úıler men ǵımarattardy jalǵa alýǵa da tyıym salynyp otyr.

«Vaktsınatsııadan ótken 10 adamnan aspaıtyn qatysýshylarmen jeke kezdesýler, sondaı-aq «Ashyq» jobasyna qatysatyn qoǵamdyq tamaqtaný ob-ektilerinde 30 adamǵa deıin kelýshilermen eske alý ótkizýge ruqsat etiledi»», - dep jazylǵan qaýly jobasnyda.

Sonymen birge, qaýly bılıard, kalıan, kompıýterlik klýb, boýlıng, batýt, balalar oıyn alańy jáne jabyq úı-jaılardaǵy attraktsıon sııaqty oıyn-saýyq mekemeleriniń, býkmekerlik keńselerdiń qyzmetin toqtata turýdy kózdeıdi.

«Ashyq» jobasyna qatysýyna qaramastan kórmelerdiń, túngi jáne oıyn klýbtarynyń jumysyna tyıym salynady. Al karaoke qyzmetine de ishinara shekteý engizilip otyr.

«Ashyq» jobasyna qatysýyna qaramastan, teatrlardyń, mádenıet úıleriniń, kontsert zaldarynyń, fılarmonııalardyń jumysyna tyıym salyndy. «Ashyq» jobasyna qatysatyn kınoteatrlardyń tolymdylyǵy 30%-dan aspaýy kerek.

Dinı obektilerge tek jekelegen adamdarǵa ǵana qyzmet kórsetýge ruqsat berilgen. Nysan «Ashyq» jobasyna qatysatyn banket zaly tıpinde jumys isteı alady.

Qaýly 20 qańtar kúni saǵat 00-den bastap kúshine enedi. Qujattyń tolyq mátinin myna jerden kórýge bolady.


Joǵary qaraı