Aýa raıy
Astana 25 °S
Almaty 30 °S
valıýta baǵamy
USD 405.66
EUR 454.70
RUB 5.71
CNY 57.43

Qostanaı oblysynda qandaı mamandar jetispeıdi

2019 jyldyń 14 qarasha 2019 11:12

QOSTANAI. QazAqparat – Bıyl Qostanaı oblysynda «Eńbek» baǵdarlamasyn júzege asyrýǵa 9 mlrd teńge bólindi. Qazir bul somanyń 6,5 mlrd teńgesi ıgerilgen, dep habarlaıdy QazAqparat oblystyq jumyspen qamtýdy úılestirý jáne áleýmettik baǵdarlamalar basqarmasyna silteme jasap.

Búginde atalmysh baǵdarlama sheńberinde 25 myń adam jumysqa ornalasyp, arnaıy bilim aldy. Onyń 85% - jumyssyzdar bolsa, qalǵandary – óz-ózin jumyspen qamtýshylar. Basqarma málimetine súıensek, bıznesti damytý úshin shaǵyn nesıe berý múmkindigi mol. Oblysta tek osy maqsatta 1,3 mlrd teńge bólinip, tolyqtaı ıgerilip, keıin Ulttyq qordan ústeme 250 mln teńge qosylǵan. Mamandar mejelep otyrǵan nátıjeler olqy emes. Máselen, shaǵyn nesıe berý arqasynda qalalarda 67 startap-joba iske asqan. Buǵan qosa memlekettik jobalardy oryndaýda ózge oblystardan kelgen turǵyndardyń úlesi basym.

«Jalpy, ótken úsh jylda baǵdarlama aıasynda oblysqa 1730 qonys aýdarýshy jáne 1421 oralman keldi. Oblys boıynsha 6 myńǵa jýyq jumysshy, mehanızatorlar, júk mashınalarynyń júrgizýshileri, qurylysshylar, aspazdar, muǵalimder men dárigerler suranysqa ıe. Ásirese, Túrkistan, Jambyl, Qyzylorda oblystarynan kóship kelgen azamattar kóbirek boldy. Osy jyly oblysqa eldiń ońtústik óńirlerinen 595 qonys aýdarýshy jáne 815 oralman shaqyrtyldy. Qazir solardyń ishinen ekonomıkalyq turǵyda belsendi 300-deı adam jumysqa ornalasyp, baspanamen qamtylǵan jáne kóterme aqy alǵan», — deıdi oblystyq Jumyspen qamtýdy úılestirý jáne áleýmettik baǵdarlamalar basqarmasynyń basshysy Gúlnar Ábenova.

Shaǵyn nesıelendirý áıelder arasynda da belsendi júrýde. Qalalardaǵy barlyq kásipkerlerdiń ishindegi názik jandar úlesi 49%-ǵa teń. Sońǵy jyldary baǵdarlama aıasynda basty nazar turmysy tómen otbasylarǵa aýǵan. Mundaı januıa múshelerine de basybaıly bıznesin ashý úshin shaǵyn nesıe beriledi.

Joǵary qaraı