Aýa raıy
Astana -10 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynda brakonerlerdi ustaıtyn 62 mobıldi top quryldy

2020 jyldyń 24 qarasha 2020 22:26

QOSTANAI. QazAqparat – Qostanaı oblysy Qamysty aýdanyndaǵy «Brakoner» jedel aldyn alý is-sharasy barysynda zańsyz ań aýlady degen kúdikpen birneshe adam ustaldy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

Patrýldik polıtsııa qyzmetiniń aǵa ınspektory Saıat Ábilkákimov pen aǵa serjant Almat Ótepov Qamysty aýyly mańynda «Mitsubishi Pajero» avtokóligin toqtatady.

«Kólik ishinde úsh jergilikti turǵyn bolǵan. Tekserý barysynda patrýldik polıtsııa qyzmetkerleri eliktiń kesilgen etin, sondaı-aq óltirilgen janýardyń qanymen lastanǵan eki myltyq, pyshaq jáne jeke zattardy tárkiledi. Atalǵan fakti Qylmystyq kodekstiń 337-baby boıynsha tirkelip, tergeý júrgizilýde», delingen polıtsııa aqparatynda.

Aıta ketý kerek, polıtseıler tabıǵat qorǵaý zańnamasyn buzýshylyqtardy anyqtaý jáne olardyń jolyn kesý maqsatynda únemi reıdtik is-sharalar ótkizip turady. Ol úshin oblysta 62 mobıldi top quryldy.


Joǵary qaraı