Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qostanaı oblysynda blokposttardyń birinde jol-kólik oqıǵasy boldy

2022 jyldyń 12 qańtar 2022 16:55

QOSTANAI. QazAqparat – Jol-kólik oqıǵasyna júk kóliginiń tejegishteriniń durys jumys istemeýi sebep bolǵan, dep habarlaıdy QazAqparat Qostanaı oblysy komendatýrasyna silteme jasap.

Qostanaı oblysynyń komendatýrasy Meńdiqara aýdanyndaǵy jol-kólik oqıǵasy boıynsha «2022 jylǵy 11 qańtarda saǵat 19.10 shamasynda Qostanaı-Mamlıýtka tas jolynyń 60-shy shaqyrymynda, «VOLVO-12» aýyr júk kóliginiń 45 jastaǵy júrgizýshisi baqylaý-ótkizý pýnktine jaqyndap qalǵan sátte tejegish júıesiniń tehnıkalyq aqaýy saldarynan jol jıeginde turǵan «JAC S-3» qyzmettik kóligimen, sondaı-aq baqylaý-ótkizý pýnktinde turǵan «Lada – Granta» kóligimen soqtyǵysqanyn habarlady. Jol-kólik oqıǵasy saldarynan zardap shekkender joq»,- delingen komendatýra habarlamasynda.

Atalǵan fakti boıynsha aýyr júk kóliginiń júrgizýshisine qatysty QR ÁQBtK-niń 610-babynyń 1-bóligi «Kólik quraldary júrgizýshileriniń jol júrisi qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine ákep soqqan buzýshylyǵy« boıynsha ákimshilik hattama toltyryldy.


Basty sózder: Qostanaı oblysy, Oqıǵa, Kólik, QR ІІM,
Joǵary qaraı