Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynda 443 bala koronavırýstan emdelip jatyr

2021 jyldyń 22 qazan 2021 18:53

QOSTANAI. QazAqparat — Qostanaı oblysy ákimdiginiń densaýlyq saqtaý basqarmasy koronavırýs ınfektsııasymen aýyrǵan azamattardyń, onyń ishinde júkti áıelder men balalar sanynyń ósýine baılanysty azamattarǵa qaýipsizdik sharalaryn ustanýǵa keńes beredi, dep habarlaıdy QazAqparat tilshisi.

Qostanaı oblysynda sońǵy aptada epıdemıologııalyq jaǵdaı aıtarlyqtaı nasharlaǵan.

Ótken táýlikte óńirde COVID-19-dyń 128 jaǵdaıy tirkelgen, aýyrǵandar sany táýligine 0,36%-ǵa ósken.

Koronavırýs juqtyrǵandardyń 111-inde aýrý belgileri bolǵan, 17-i sımptom bolmaǵan.

Qostanaı oblysy óńirlik kommýnıkatsııalar qyzmetinde ótken brıfıngte oblys ákimdiginiń densaýlyq saqtaý basqarmasy basshysynyń orynbasary Anjela Beksultanova koronavırýs ınfektsııasymen kúresý úshin oblysta 1 955 ınfektsııalyq jáne karantındik tósek-oryn ázirlengen.




«Sonyń ishinde 1665 ınfektsııalyq tósek-oryn bar. Onda qazir 638 naýqas jatyr. 300 karantındik tósek-orynda qazir 21 naýqas (júktemesi 7%) jatyr. Sońǵy táýlikte oblysta 128 adam koronavırýs juqtyrǵan», - dedi ol.

Vedomstvo aýrý juqtyrǵandar arasynda balalar men júkti áıelder sanynyń ósip jatqanyna alańdaýshylyq bildirdi.

«Qazirgi ýaqytta bizde 443 bala koronavırýs ınfektsııasyna shaldyqqan, sonyń ishinde 8-i statsıonarda, qalǵany ambýlatorlyq e qabyldap jatyr. Sondaı-aq, KVI juqtyrǵan 53 júkti áıel tirkeldi, onyń úsheýi qazir jansaqtaý bóliminde», - dedi A. Beksultanova.

Oblysta barlyǵy 325 278 adam nemese turǵyndardyń 64,4%-y vaktsına alǵan. Sonyń ishinde 301 660 adam nemese 59,7%-y ekinshi dozany saldyrǵan.


Joǵary qaraı