Aýa raıy
Astana -10 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynda 3 mektep kúrdeli jóndeýden ótti

2020 jyldyń 28 qazan 2020 04:18

QOSTANAI.QazAqparat – Qostanaı oblysynda 3 mektep kúrdeli jóndeýden ótti. Bul týraly oblystyq bilim basqarmasynyń basshysy Záýre Baımenova óńirdik kommýnıkatsııalar alańynda ótken brıfıngte málim etti, dep habarlaıdy QazAqparat.

Bıyl Qostanaı oblysynda 488 memlekettik jáne 6 jekemenshik mektep jumys isteıdi. Onyń ishinde aýyldarda 401 mektep bar. Oblystyq bilim basqarmasynyń basshysy Záýre Baımenovanyń aıtýynsha, óńirde «Aýyl – el besigi» memlekettik baǵdarlamasy sheńberinde keshendi sharalar júzege asyrylǵan.

«2019 jyly 28 bilim berý obektisinde jalpy somasy 893,9 mln teńgege jóndeý júrgizildi. 1260 adam ýaqytsha jumys oryndarymen qamtamasyz etildi.

Bıyl arnaıy joba sheńberinde Amangeldi, Qostanaı jáne Meńdiqara aýdandarynda 802,8 mln teńge somasyna 3 mektepte kúrdeli jóndeý iske asyryldy. Amangeldi aýdanynyń 7 aýylyndaǵy mektepter jańǵyrtýdan ótti.

Qostanaı aýdannyń Sovhoznyı orta mektebi ǵımaraty jáne Meńdiqara aýdanynyń Pervomaısk mektebi jóndeldi», - deıdi basqarma basshysy.

2021 jyly aımaq mektepterine kúrdeli jóndeý júrgizý úshin oblystyq bıýdjet esebinen 79,1 mln teńge qosymsha bólindi. Qazir 9 bilim berý uıymynyń jobalaý-smetalyq qujattamalary ázirlenip jatyr. Negizi barlyq bólinetin soma – 2,2 mlrd teńge. Nátıjesinde 500-den astam ýaqytsha jumys ornyn qurýǵa bolady.


Joǵary qaraı