Aýa raıy
Astana -20 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysynda 180 aýylǵa sapaly aýyz sý qubyry tartylady

2020 jyldyń 3 jeltoqsan 2020 05:10

QOSTANAI. QazAqparat – 2021 jyly Qostanaı oblysynda «Nurly jer» memlekettik baǵdarlamasy sheńberinde 69 aýylǵa aýyz sý qubyry júrgiziledi, dep habarlaıdy QazAqparat oblys ákiminiń baspasóz qyzmetine silteme jasap.

Bıyl eldi mekenderdi sapaly aýyz sýmen qamtamasyz etý maqsatynda iske qosylǵan 37 jobaǵa 9,6 mlrd teńge qarjy bólingen.

Búginge deıin bul qarjynyń 81 paıyzy ıgerildi. Aýyldy sapaly aýyz sýmen qamtýdy jedeldetý maqsatynda sońǵy jyldary oblys aýmaǵyndaǵy shalǵaı aýyldarǵa sý taratý toraby ornatyla bastady.

Qazir aýyldy sýmen qamtamasyz etý boıynsha jalpy quny 35 mlrd teńge bolatyn 41 joba ázirlenip jatyr. Aldaǵy ýaqytta jalpy sany 75,5 myń adam turatyn 69 aýylǵa ortalyqtandyrylǵan sý qubyry tartylady.

22 aýylǵa sý tazartý jáne taratý pýnktteri salynyp, 9 eldi mekenniń sý qubyry jańartylady.

Osylaısha aldaǵy eki jylda jalpy sany 180 aýyldy sapaly aýyz sýmen qamtamasyz etiledi.

Jyldar boıy sý tapshylyǵyn kórip kelgen Amangeldi aýdanynyń Qabyrǵa aýylynda jańa sý toraby qoldanysqa berildi.

Eldi mekendegi keńes dáýirindegi tartylǵan sý qubyrlary isten shyǵyp qalǵan bolatyn. Aýyl turǵyndary 25 jyl boıy ózennen sýdy tasyp iship kelgen-di.

Endi bul qıyndyqtar artta qaldy. Aýyl turǵyndarynyń kópten kútken talap-tilegi oryndaldy. Jobaǵa 82,2 mln teńge qarajat bólindi.

.

Joǵary qaraı