Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qostanaı oblysy polıtsııasynyń jańa bastyǵy taǵaıyndaldy

2022 jyldyń 29 qańtar 2022 12:32

QOSTANAI. QazAqparat – Qostanaı oblysy Polıtsııa departamentiniń basshysy bolyp Erlan Omarbekov taǵaıyndaldy, dep habarlaıdy QazAqparat vedomstvonyń baspasóz qyzmetine silteme jasap.

Osy taǵaıyndaýǵa deıin ol QR ІІM Esirtki qylmysyna qarsy is-qımyl departamentiniń bastyǵy qyzmetin atqarǵan.

«Prezıdent Ákimshiligimen kelisý boıynsha Іshki ister mınıstri Erlan Turǵymbaevtyń buıryǵymen Qostanaı oblysy Polıtsııa departamentiniń bastyǵy qyzmetine polıtsııa polkovnıgi Erlan Omarbekov taǵaıyndaldy. Polıtsııa departamentiniń jeke quramyna jańa basshyny Іshki ister mınıstri tanystyrdy», - dep habarlady polıtsııadan.

Erlan Bolatuly Omarbekov 1971 jyly Shyǵys Qazaqstan oblysynda dúnıege keldi. Quqyq qorǵaý organdarynda 1993 jyldan beri qyzmet atqaryp keledi.

Eńbek jolyn polıtsııa batalonynda mılıtsııa qyzmetkeri bolyp bastaǵan. Shyǵys Qazaqstan jáne Qaraǵandy oblystarynda túrli basshylyq laýazymdardy atqarǵan.

QR Іshki ister mınıstrliginiń basshylyq qyzmetinde úlken tájirıbesi bar – Krımınaldyq polıtsııa komıteti tóraǵasynyń orynbasary boldy, sońǵy jumys orny – QR ІІM Esirtki qylmysyna qarsy is-qımyl departamentiniń bastyǵy.

Al Qostanaı oblysy Polıtsııa departamentin alty jyldan astam ýaqyt basqaryp kelgen Beket Aımaǵambetov QR ІІM qaramaǵyna alyndy.


Joǵary qaraı