Aýa raıy
Astana -3 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Qostanaı oblysy ákiminiń orynbasary taǵaıyndaldy

2020 jyldyń 28 qyrkúıek 2020 12:23

QOSTANAI. QazAqparat – Qostanaı oblysynyń ákimi Arhımed Muhambetov jergilikti aktıvke óziniń jańa orynbasaryn tanystyrdy, dep habarlaıdy QazAqparat tilshisi oblys ákiminiń baspasóz qyzmetine silteme jasap.


«Oblys ákiminiń orynbasary laýazymyna Esimova Baqyt Amangeldiqyzy taǵaıyndaldy.

Baqyt Esimova 1984 jyly 29 qańtarda Pavlodar oblysy Baıanaýyl aýdany Maıqaıyń aýylynda dúnıege kelgen. Sankt-Peterbýrg memlekettik ınjenerlik-ekonomıkalyq ýnıversıtetin jáne Kalıfornııa ýnıversıtetin (AQSh) bitirgen.

Buryn Qazaqstan Respýblıkasy Prezıdenti Ákimshiliginiń memlekettik ınspektory qyzmetin atqarǵan», delingen baspasóz habarlamada.

Baqyt Esimova ishki saıasat, memlekettik til saıasaty, etnosaralyq sala, bilim berý mekemeleri, bastaýysh jáne orta kásiptik bilim berý oqý oryndarynda bilim berý qyzmetterin usyný, mádenıet, din, demografııa, jastar saıasaty, jetekshilik etetin baǵyttar boıynsha shekara mańy yntymaqtastyǵy máselelerine jetekshilik etetin bolady.





Oblystyq jáne respýblıkalyq baǵdarlamalardyń oryndalýyn, áleýmettik sala, kámeletke tolmaǵandar arasyndaǵy quqyq buzýshylyqtyń aldyn alý jónindegi oblystyq komıssııalardyń, keńesterdiń jumysyn uıymdastyrady.

Buǵan deıin oblys ákiminiń orynbasary qyzmetin atqarǵan Marat Júndibaev Qazaqstan Respýblıkasy Prezıdenti Ákimshiliginiń memlekettik ınspektory laýazymyna aýysty.

Foto Berdibolat Kórkembaev


Joǵary qaraı