Aýa raıy
Astana 25 °S
Almaty 27 °S
valıýta baǵamy
USD 412.55
EUR 468.66
RUB 5.79
CNY 58.80

Qostanaı qalalyq aýrýhanasy ýaqytsha provızorlyq statsıonarǵa aınaldy

2020 jyldyń 30 maýsym 2020 09:55

QOSTANAI. QazAqparat – Ál-Farabı kóshesinde ornalasqan Qostanaı qalalyq aýrýhanasy búginnen bastap sýyq tııý, tumaý juqtyrý jáne ókpesi qabyný dıagnozymen túsken naýqastardan basqa aýrýlardy qabyldaýyn toqtatty, dep habarlaıdy QazAqparat oblystyq Densaýlyq saqtaý basqarmasynyń baspasóz qyzmetine silteme jasap.

30 maýsymnan bastap qalalyq aýrýhana 250 oryndyq provızorlyq statsıonar qyzmetin atqaratyn bolady. Densaýlyq saqtaý basqarmasy basshysynyń buıryǵymen provızorlyq statsıonarǵa basqa emhanalardaǵy dárigerler men medbıkeler qosymsha jumysqa alyndy.

«Qalalyq aýrýhanadaǵy salalyq dárigerlerdiń bári provızorlyq naýqastardy qabyldap, tek solardy emdeýmen aınalysatyn bolady. Sonymen qatar naýqastardyń kezekke turý máselesi rettelip, emdeý mekemesinde Sall-ortalyq (39-37-77) uıymdastyryldy. Mundaǵy jedel kómek kórsetý bólimi men jaraqat bólimi oblystyq aýrýhanaǵa kóshirildi. Qostanaı turǵyndaryn sabyr saqtaýǵa shaqyramyz. Qazir dárigerler kúsheıtilgen rejimde jumys istep jatyr. Sizder bas sanıtarlyq dárigerdiń nusqaýyn oryndaý arqyly, bizge kóp kómek tıgizetinderińizdi túsinińizder. Jasyryn jıyn ótkizýdi, qonaqqa barýdy, qonaq shaqyrýdy qoıyńyzdar. Úıden betalbaty shyqpańyzdar. Jaqyndaryńyzdy, týys-týǵandaryńyzdy qorǵańyzdar», - dep habarlady basqarmanyń baspasóz qyzmeti.

Sonymen qatar turǵyndar 8 777 375 44 77 baılanys nómiri boıynsha basqarmaǵa suraq joldaı alady.


Avtor Qasqyrbaı Qoıshymanov
Basty sózder: Medıtsına, Oqıǵa,
Joǵary qaraı