Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qosshyǵa qala mártebesi qashan beriledi

2021 jyldyń 18 maýsym 2021 14:39

NUR-SULTAN. QazAqparat – Aqmola oblysynyń ákimi Ermek Marjyqpaev Qosshyǵa qala mártebesin berý jumystary jaıynda baıandady, dep habarlaıdy QazAqparat tilshisi.

«Qosshy aýyly qarqyndy damyp keledi. Eldi meken aýmaǵy keńeıtip jatyr, osy oraıda tıisti ınfraqurylym qajet bolyp tur. Qazirgi kezde aýylǵa oblystyq mańyzdaǵy qala mártebesin berýdi qarastyratyn algorıtm ázirlendi», - dedi ákim Ortalyq kommýnıkatsııalar qyzmetinde.

Sonymen qatar tilshiler Qosshyǵa qala mártebesin berý máselesin qarastyrý qaı deńgeıde ekeni týraly suraq qoıyldy.

«Bul másele boıynsha jol kartasy jasaldy jáne ol 28 pýnktiden turady, sonyń 21-in oryndadyq. Osy oraıda Úkimetpen birlese tıisti jumystar atqarylyp jatyr», - dedi Ermek Marjyqpaev.

Onyń aıtýynsha, Qosshyda qazirgi kezde 60 myńnan astam adam turyp jatyr.

«Ony barlyǵy rastap otyr. Elektr energııasy abonentteri boıynsha jáne basqa da kórsetkishter aıasynda turǵyndar sany shamamen kórinip tur. Alaıda qala mártebesin berý úshin sanaq júrgen kezde toqtap qaldyq. Qala mártebesin alý úshin 50 myń tirkelgen turǵyn bolýy kerek. Eki aıdan astam ýaqyt boıy osy máselemen aınalystyq, adamdar tirkeýge turǵylary kelmeıdi. Olar Nur-Sultan qalasynda tirkeýde turyp, biraq Qosshyda turǵylary keledi», - dedi ákim.

Bul turǵyda ol tıisti jumystar jalǵasyp, Qosshy boıynsha qujat memlekettik ortalyq organdardyń kelisýinde jatqanyn aıtty.


Avtor Rýslan Ǵabbasov
Basty sózder: Aqmola oblysy, Qoǵam, Ákim, Aımaq,
Joǵary qaraı