Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qorytyndy jasaýǵa asyqpaıyq – Bilim mınıstrligi Túrkistanda qaıtys bolǵan oqýshy týraly

2021 jyldyń 20 qazan 2021 15:38

NUR-SULTAN. QazAqparat – QR Bilim jáne ǵylym birinshi vıtse-mınıstri Sholpan Karınova Túrkistanda mektep dárethanasyndaǵy tóbelesten keıin oqýshynyń kóz jumǵany týraly pikir bildirdi, dep habarlaıdy QazAqparat tilshisi.

«Sózsiz, balanyń ólimi – óte úlken tragedııa. Bul jaǵdaı belgili bolǵan soń, birden Balalardyń quqyqtaryn qorǵaý komıtetiniń ókilderi Túrkistan oblysyna attandy. Qazir de olar sonda jumys istep jatyr. Bul fakti boıynsha tıisti organdar tergeý sharalaryn júrgizýde. Qorytyndysy boıynsha biz de habarlaıtyn bolamyz.

Meniń oıymsha, qorytyndy jasaýǵa asyǵýdyń qajeti joq. Munda tıisti organdar tıisti jumystardy aıaqtaýy kerek. Sonda ǵana sheshim qabyldanady. Oqýshylar arasyndaǵy alym-salyq týraly pikirlerge kelsek, biz, Bilim mınıstrligi, ata-ana tarapynan da, mektep ishinde de alym-salyqqa jol bermeý kerektigin aıtamyz. Mundaı faktiler túbegeıli bolmaýy kerek, ár faktini jeke qarastyryp, eń qatań sharalar qabyldanýy kerek», - dedi vıtse-mınıstr Ortalyq kommýnıkatsııalar qyzmetinde ótken baspasóz máslıhatynda.

Eske sala ketsek, 15 qazanda Túrkistanda mektep dárethanasyndaǵy tóbelesten keıin 5-synyp oqýshysynyń kóz jumǵany habarlandy.

Qaza tapqan oqýshynyń ájesi BAQ ókilderine bergen suhbatynda nemeresi mektep dárethanasynda soqqyǵa jyǵylǵanyn, al dárigerler balanyń basynda aýyr jaraqat bolǵanyn aıtady.



Joǵary qaraı