Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Koronavırýstyń órshýinen Beıjiń metropolıtenindegi 100-den asa stantsııa jabyldy

2022 jyldyń 17 mamyr 2022 17:23

BEIJІŃ. QazAqparat – Koronavırýstyń órshýi saldarynan mamyr aıy bastalǵaly Beıjiń metropolıtenindegi 100-den asa stantsııa jabyldy. Bul týraly qalalyq metro ákimshiligi málim etti, dep habarlaıdy QazAqparat menshikti tilshisi.

«17 mamyrdaǵy málimetter boıynsha óz jumysyn toqtatqan Beıjiń metropolıtenindegi stantsııalar sany 101-ge jetti. Jalpy sany 19 metro jelisin qamtıdy», - delingen habarlamada.

4-12 mamyr aralyǵynda Beıjiń metropolıteniniń ákimshiligi indettiń aldyn alý jáne baqylaý maqsatynda 90-nan astam stantsııany japty. 4 mamyrda jappaı jabyldy, ol kezde 60-tan astam metro stantsııasy jabylǵan bolatyn.

Sonymen qatar, Qytaı astanasynyń turǵyndaryn koronavırýsqa skrınıngteý jáne testileý jalǵasýda. Dúısenbiden bastap Beıjińniń 12 aýdanynda COVID-19-ǵa jappaı testileýdiń kezekti kezeńi bastaldy. 22 sáýirden bastap Chaoıan iskerlik aýdany ǵana koronavırýsqa jappaı testileýdiń 10-nan astam kezeńin ótkizdi.

Sonymen qatar, Beıjiń bıligi 17-24 mamyr aralyǵynda Qytaı astanasynyń ońtústik-batysyndaǵy Fentaı aýdanynda karantın talaptaryn kúsheıtti, onda 2 mıllıonnan astam adam turady. Fentaı aýdanynyń birqatar jabyq aımaqtarynda turǵyndarǵa úılerinen shyǵýǵa ketýge tyıym salynady. Olarǵa PTR-test tapsyrýǵa, qoqys tastaýǵa jáne sálemdemeler alýǵa shyǵýǵa ruqsat etiledi.

Kóshege shyqqan kezde jergilikti turǵyndar N95/KN95 maskalaryn taǵýy kerek.

Resmı málimetterge sáıkes, 22 sáýirden bastap Qytaı astanasynda COVID-19 juqtyrýdyń 1169 jaǵdaıy tirkelgen.


Basty sózder: Álem, Qytaı, Koronavırýs,
Joǵary qaraı