Aýa raıy
Astana -5 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýstyń órshýi: Belgııa komendanttyq saǵat ýaqytyn uzartty

2020 jyldyń 25 qazan 2020 12:40

BRıÝSSELЬ. QazAqparat – Belgııada komendanttyq saǵat ýaqyty uzartyldy, mádenı ortalyqtar, sporttyq klýbtar jabylyp jatyr. Brıýssel basshysy Rýdı Vervýt koronavırýspen kúresti kúsheıtý boıynsha jańa sharalar engiziletinin jarııalady, dep habarlaıdy «QazAqparat» HAA tilshisi.

Bıylǵy 26 qazannan bastap Belgııa astanasynda komendanttyq saǵat keshki 22.00-den tańǵy 06.00-ge deıin uzartyldy (buǵan deıin saǵat 00.00-den tańǵy 05.00-ge deıin qozǵalysqa tyıym salynǵan edi).

Barlyq dúkenderge keshki 20:00-ge deıin jumys isteýge ruqsat. Sýpermarketter, saýda ortalyqtaryna tek otbasynyń bir múshesi ǵana bara alady.

Brıýsseldiń búkil aımaǵynda endi maska taǵý qaıta mindetteldi.

Barlyq mádenı nysandar, kınoteatrlar, kórme alańdary dúısenbiden bastap jabyq bolady.

Sporttyq jarystar toqtatyldy. Degenmen, 12 jasqa deıingi balalar úshin sporttyq sektsııalarǵa barýǵa ruqsat etiledi.

Qazirgi kezde Belgııa Eýropalyq odaqta koronavırýsqa shaldyǵý dınamıkasy jaǵynan ekinshi orynda tur. Elde qaýipti vırýs juqtyrýdyń 287700 oqıǵasy tirkelgen, sonyń ishinde 10658 adam qaıtys bolǵan, 632 patsıent terapııa bólimderinde em qabyldap jatyr.

Eske sala keteıik, Eýropanyń birqatar elderi COVID-19 vırýsyna shaldyǵýdyń joǵary deńgeıine baılanysty karantın sharalaryn kúsheıtýde.


Basty sózder: Álem, Koronavırýs, Karantın,
Joǵary qaraı