Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýstyń qaýipti delingen jańa nusqasy basqa elderden tabylyp jatyr

2021 jyldyń 28 qarasha 2021 13:08

NUR-SULTAN. QazAqparat - Osy aıda OAR-da anyqtalǵan jáne keshe «Omıkron» degen ataý berilgen koronavırýstyń jańa mýtatsııasy Afrıkadan tys barlyq jańa elderde kezdesip jatyr. Ulybrıtanııada eki jaǵdaı anyqtalǵannan keıin, úkimet epıdemııaǵa qarsy sharalardy kúsheıtetinin jarııalady, dep habarlaıdy QazAqparat VVS-ge silteme jasap.

Senbi kúni Ulybrıtanııa premer-mınıstri Borıs Djonson shuǵyl baspasóz máslıhatynda epıdemııaǵa qarsy sharalardy ýaqytsha (úsh aptaǵa deıin) qatańdatatynyn jarııalady. Atap aıtqanda, budan bylaı shet elden keletin kez kelgen azamat PTR testiniń teris nátıjesi shyqqanǵa deıin oqshaýlanýy kerek.
Sarapshylardyń pikirinshe, vırýstyń sońǵy mýtatsııasy bastapqy nusqamen salystyrǵanda aıtarlyqtaı ózgeristerge ushyraǵan, sondyqtan ol vaktsınaǵa tózimdi bolýy múmkin. Farmatsevtıkalyq kompanııalar qazirdiń ózinde «Omıkrondy» zerttep, onymen kúresýdiń joldaryn tabýǵa tyrysyp jatqanyn habarlady.

Eske salsaq, Ońtústik Afrıka Respýblıkasynda koronavırýstyń 1.1.529 ataýy bar jańa mýtatsııasy anyqtalǵan edi.

Bul nusqa burynǵylarǵa qaraǵanda áldeqaıda juqpaly jáne vaktsınalardyń oǵan áseri tıimsiz bolýy ábden múmkin ekendigi aıtyldy. Koronavırýstyń qaýipti delingen jańa shtamyna «Omıkron» degen ataý berildi.


Joǵary qaraı