Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýstan jyl basynan astanada 1600 adam qaıtys boldy

2021 jyldyń 12 qazan 2021 14:53

NUR-SULTAN. QazAqparat – 2021 jyldyń basynan beri Nur-Sultan qalasynda 1600-den astam adam koronavırýstan qaıtys boldy. Bul týraly Nur-Sultan qalasynyń Qoǵamdyq densaýlyq saqtaý basqarmasynyń basshysy Tımýr Mýratov aıtty, dep habarlaıdy QazAqparat.


«Ótken jyly naýryz aıynda pandemııa bastalǵannan beri PTR testimen dıagnozy rastalǵan 652 adam koronavırýstan qaıtys boldy. Al bıylǵy toǵyz aıda 1681 adam kóz jumdy. Balalar arasynda koronavırýs dıagnozynan qaıtys bolǵandar joq, olardyń qatar júretin ilespe aýrýlary boldy. Sondaı-aq, qaıtys bolǵandardyń arasynda eki júkti áıel bar», - dedi Tımýr Muratov Ortalyq kommýnıkatsııalar qyzmetinde ótken baspasóz máslıhatynda.

Qazirgi ýaqytta elorda boıynsha 990 tósek-oryn qory bar 7 ınfektsııalyq statsıonar qyzmet etedi. Tańǵy málimetke sáıkes 578 adam kovıdti statsıonarlarda em qabyldap jatyr, tósek-orynnyń 58,4% naýqastar jatyr.

Elorda boıynsha vaktsına alýǵa jatatyn halyq sany 647 myń adam. Onyń 68 paıyzy nemese 436 myńnan astam azamat vaktsınanyń birinshi komponentin aldy, al tolyq ımmýndaýdan 401 myńnan kóp azamat ótti.

Sonymen birge, Nur-Sultanda vaktsınatsııaǵa medıtsınalyq qarsy kórsetilimi barlarǵa «jasyl» mártebe beriledi.


Joǵary qaraı