Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýstan keıingi sındrom degen ne

2021 jyldyń 16 qazan 2021 17:48

ALMATY. QazAqparat - Almatydaǵy № 36 qalalyq emhananyń bas dárigeriniń emdeý isi jónindegi orynbasary Habıba Musaeva QazAqparat tilshisine koronavırýstan keıingi sındrom týraly aıtyp berdi.

«Postkovıdty sındrom» termıni aýrýdyń ótkir kezeńi aıaqtaldy, biraq patsıent áli durys qalpyna kelmedi degendi bildiredi.

Habıba Musaevanyń aıtýynsha, COVID-19 juqtyrǵandardyń barlyǵy derlik postkovıdty sındrommen aýyrady.

«Ázirge bul naqty dıagnoz emes. Koronavırýstan keıingi sındrom psıhıkalyq buzylýlarmen ǵana emes, kóptegen somatıkalyq asqynýlarmen de sıpattalady. Baýyr, búırek jáne mıdyń zaqymdalýymen aýtoımmýndy reaktsııalarda kezdesedi. Sonymen qatar, COVID-19-nyń ortalyq júıke júıesine áser etedi. Koronavırýs dertimen aýyryp shyqqan adamda, mazasyzdaný, uıqy qashý, ýaıymdaý, shoshý, toryǵý paıda bolady»,- deıdi dáriger.

Onyń aıtýynsha, Astenııa - birtindep nsıhopatologııalyq buzylysty damytady, deneniń kóptegen aýrýlarymen birge júredi.

«Astenııa sharshaýdy kórsetedi, aqyl-oı men fızıkalyq ónimdiliktiń tómendeted. Aýrý barysynda psıhologııalyq jáne psıhıatrııalyq kórinisterden basqa, biz postkovıdty sındromda sımptomdardyń tutas keshenin kóremiz. Bul birinshi ret 2020 jyldyń jazynda baıqaldy. Máselen ıis sezýdiń buzylýy birneshe aptaǵa, tipti aılarǵa sozylýy múmkin. Sonymen qatar, mıkronevrologııalyq belgiler paıda bolýy múmkin «, - deıdi spıker.

Sonymen qatar, ol koronavırýstan jazylyp shyqqan patsıentterge mindetti túrde dárigerge qaralyp turýǵa keńes berdi.

« Koronavırýstan keıin, densaýlyǵyńyzda qandaı da ózgerister baıqalsa, dárigerge júgingen abzal. Mamandar úshin postkovıdtyq sındromy bar adamdar aýyr kontıngent bolyp sanalady. Mundaı naýqastar somatıkalyq buzylýlardy túzetý úshin, múmkin, uzaq merzimdi ońaltýdy qajet etedi «,-dedi Habıba Musaeva.

Sondaı-aq dáriger qazirgi ýaqytta koronavırýstyń ár túrli shtamdary bar bolǵandyqtan adamdar ınfektsııany qaıta juqtyryp alýy múmkin ekenin eske saldy.

«Sondyqtan, eń aldymen, ózińizdi vaktsınamen qorǵaý kerek. Siz basqalardy tek ekpe alý arqyly ǵana qorǵaısyz. Adamdar ólip jatyr. Koronavırýs -óte qorqynyshty ınfektsııa», - dep qorytyndylady ol.


Joǵary qaraı