Aýa raıy
Astana 4 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýstan aıyqqan adamnyń ımmýnıteti qanshalyqty myǵym bolady

2020 jyldyń 25 qyrkúıek 2020 20:15

NUR-SULTAN. QazAqparat – Koronavırýs juqtyryp, indetten aıyqqan adamnyń aǵzasynda ımmýnıtet qalyptasa ma? Bul suraqqa búgin Ortalyq kommýnıkatsııalar qyzmetinde ótken baspasóz máslıhatynda Ulttyq ǵylymı kardıohırýrgııalyq ortalyǵy basqarma tóraǵasynyń mindetin atqarýshy Mahabbat Bekbosynova jaýap berdi, dep habarlaıdy QazAqparat tilshisi.

«Koronavırýsqa qarsy myǵym ımmýnıtet bar ma, álde bul ýaqytsha ǵana ımmýnıtet pe?» degen suraq tóńireginde qazir álemdik qaýymdastyq túrli pikirtalas ótkizip jatyr. Bul másele qazir zerttelý ústinde. Biraq keıingi sholý materıaldarynyń birinde COVID-ınfektsııasynan keıin jaqsy ımmýnıtet qalyptasatyny jaıly aqparat boldy. Tipti, odan buryn COVID-ınfektsııa qanshalyqty aǵzaǵa aýyr bolsa, sonshalyqty myǵym ımmýnıtet qalyptasady degen de tujyrym bolǵan. Biraq bul suraqtyń jaýaby keleshektiń enshisinde dep aıtar edim», - dedi Mahabbat Bekbosynova.

Onyń aıtýynsha, buǵan deıin koronavırýsty qaıtadan juqtyrýdyń bir ǵana jaǵdaıy tirkelgen. Alaıda, qaıta juqqany – vırýstyń basqa shtamy bolǵan.

«Bul – Sıngapýrdan kelgen habarlama. Bul patsıent ekinshi ınfektsııany – COVID vırýsynyń basqa shtamyn jeńil ótkergen», - dedi dáriger.


Avtor Aıan Bekenuly
Basty sózder: Koronavırýs, Medıtsına, Ǵylym,
Joǵary qaraı