Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýspen kúreske qansha qarajat jumsaldy

2021 jyldyń 12 mamyr 2021 19:00

NUR-SULTAN. QazAqparat – Áleýmettik medıtsınalyq saqtandyrý qorynyń basqarma tóraǵasy Bolat Tókejanov COVID-19 indetimen kúreske qansha qarajat jumsalǵanyn aıtty, dep habarlaıdy QazAqparat tilshisi.

«Qazaqstandyqtar koronavırýs ınfektsııasy men pnevmonııa kezinde medıtsınalyq kómekti Áleýmettik medıtsınalyq saqtandyrý qoryndaǵy mártebesine qaramastan tegin alady. Qor birinshi toqsanda koronavırýspen jáne pnevmonııamen kúres boıynsha is-sharalardy qarjylandyrýǵa 71,6 mlrd teńge baǵyttady. Onyń ishinde: medıtsına qyzmetkerlerine ústemeaqylar – 42,4 mlrd teńge, medıtsınalyq kómekke jáne KVI taralýyn boldyrmaý qyzmetterine – 15,6 mlrd teńge bóldi. Karantındik jáne ınfektsııalyq statsıonarlarda 95 myńnan astam adam emdeldi», - dedi qor basshysy.

Qordyń basqarma tóraǵasy usynǵan málimetke súıensek, PTR-dıagnostıka qyzmetine – 10,3 mlrd teńge, mobıldi brıgadalar quryp, jabdyqtaýǵa – 3 mlrd teńge, úıdegi statsıonarlar qyzmetine – 33,3 mln teńge jumsalǵan.


Joǵary qaraı