Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýsqa qatysty álemdegi ahýal qandaı

2021 jyldyń 14 maýsym 2021 20:46

NUR-SULTAN. QazAqparat - Koronavırýstyń taralýyna qarsy vedomstvoaralyq komıssııa álemdegi epıdemıologııalyq ahýalǵa sholý jasady, dep habarlaıdy QazAqparat.

Kolýmbııada koronavırýs ınfektsııasy anyqtalǵan patsıentter arasyndaǵy ólim-jitimniń eń joǵary kórsetkishi tirkeldi.

Bul týraly 13 maýsymda eldiń densaýlyq saqtaý jáne áleýmettik qorǵaý mınıstrliginiń baspasóz qyzmeti habarlady.

Bir táýlik ishinde koronavırýs ınfektsııasynyń 28 519 jańa jaǵdaıy tirkelgeni jáne indetten 586 adamnyń mert bolǵany rastaldy.

Bir táýlikte 20 539 naýqas, pandemııa bastalǵaly beri 3 477 656 adam aýrýdan aıyqqan.

Memlekette búginge deıin barlyǵy 3 753 224 adam koronavırýstyq ınfektsııaǵa shaldyqsa, olardyń 95 778-i indetten mert boldy.

Indonezııadaǵy Pekanbarý qalasynyń bıligi vaktsınatsııa qarqynyn jedeldetti. Munda adamdardy arnaıy jabdyqtalǵan avtobýstarda ege bastady.

Atalmysh kólikter koronavırýsqa qarsy preparattyń 12 myńǵa deıin dozasyn tasymaldaıdy.

Bul kún saıyn myńnan astam adamǵa ekpe salýǵa múmkindik beredi.

Uıymdastyrýshylardyń aıtýyna qaraǵanda, aldaǵy ýaqytta qalada mundaı avtobýstardyń sany artýy múmkin.

Búgingi tańda atalmysh elde vaktsınanyń eki komponentin 12 mıllıonǵa jýyq azamat saldyrǵan.

Kelesi jyly bılik bul kórsetkishti 80 mıllıonǵa deıin arttyrýdy josparlap otyr.

Túrkııaǵa reseılik «Spýtnık V» vaktsınasynyń alǵashqy partııasy jetkizildi.

14 maýsymda Reseıdiń koronavırýs ınfektsııasyna qarsy vaktsınasy bar ushaq Ankaradaǵy Esenboga halyqaralyq áýejaıyna qondy.

Túrkııa bıligi reseılik preparattyń elde vaktsınatsııany tezdetýge yqpal etetindigin atap ótti.

Densaýlyq saqtaý mınıstrliginiń málimetinshe, sońǵy tórt kúnde Túrkııada 200 myń adam COVID-19 juqtyrdy, jańa aýrýlardyń sany ósip otyr.


Joǵary qaraı