Aýa raıy
Astana -10 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýsqa qarsy vaktsına pandemııanyń barysyn túbegeıli ózgertedi – DDSU

2020 jyldyń 10 qarasha 2020 12:41

JENEVA. QazAqparat – Kelesi jyldyń naýryz aıynda turǵyndardyń osal toptary úshin qoljetimdi bolatyn koronavırýsqa qarsy vaktsına pandemııanyń barysyn túbegeıli ózgertedi. Bul týraly Dúnıejúzilik densaýlyq saqtaý uıymy bas dırektorynyń keńesshisi jáne DDSU-nyń vaktsınalarǵa qoljetimdilikti qamtamasyz etý akseleratory jumysynyń basshysy Brıýs Eılvard aıtty, dep habarlaıdy QazAqparat Reuters agenttigine silteme jasap.

Brıýs Eılvard Pfizer Inc's PFE.N jasap shyǵarǵan koronavırýs ınfektsııasyna qarsy vaktsına synaǵynyń sońǵy satysyn «oń» dep baǵalady.

«Bul nebári aralyq nátıje, aldymyzda talaı jumys bar... Alaıda búgin biz bolashaqta álem úshin jaqsylyqty kútýge úmit beretin oń nátıjeler aldyq», - dedi ol 194 eldiń ókili qatysqan forýmda.

Onyń aıtýynsha, naýryz aıyna qaraı koronavırýs daǵdarysyna baılanysty jaǵdaı búkil álem boıynsha júrgizilip otyrǵan jumystyń úlken kóleminiń arqasynda túbegeıli ózgerýi múmkin.

Pfizer kompanııasy óz vaktsınasyn synaqtan ótkizýdiń sońǵy kezeńin 90 paıyz tıimdi dep baǵalaǵan.

Sondaı-aq, Pfizer jáne BioNTech kompanııalarynan úmitker vaktsınanyń bastapqyda DDSU-nyń búkil álem boıynsha vaktsınalardy teń qarjylandyrý jáne dıstrıbýtsııalaý úshin qurylǵan COVAX Facility qorynyń tiziminde bolmaǵany aıtylady.

Eki kompanııa da (Pfizer jáne BioNTech) Amerıka bıliginen vaktsınany shuǵyl paıdalaný úshin ruqsatty osy aıda alýǵa daıyn ekenin málimdedi.

Budan buryn habarlanǵandaı, aldyn ala nátıje kórsetkendeı, ǵalymdar koronavırýstan 90% qorǵaıtyn tıimdi vaktsınany jasap shyǵardy.
Basty sózder: Vaktsına, Álem, Koronavırýs,
Joǵary qaraı