Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Koronavırýsqa qarsy vaktsına halal ma, haram ba – ımam jaýaby

2022 jyldyń 24 qańtar 2022 17:08

NUR-SULTAN. QazAqparat – Búginde álem elderi onyń ishinde qazaqstandyqtarda COVID-19-ǵa qarsy vaktsına jáne revaktsınany qarqyndy alyp jatyr. Osy oraıda kópshilikti mazalaıtyn suraqtyń biri vaktsına adal ma jáne ekpege qatysty din ne deıdi? Bul suraqqa elordadaǵy «Áziret sultan» meshitiniń bas ımamy Erbolat Júsipov jaýap berdi, dep habarlaıdy QazAqparat tilshisi.

«Dinı turǵydan «Vaktsına alǵan jón be?» degen saýal kópshilikti tolǵandyrady. Sharıǵatta densaýlyqtyń amanat ekeni aıtylady. Bilmegen nárseni sol salanyń mamandarynan sura degen aıat bar. Osy oraıda biz vaktsınaǵa qatysty densaýlyq saqtaý salasy mamandarynan suraımyz. Olar vaktsına alý kerek, tipti mańyzdy dep otyr. Sondyqtan indetten saqtaný úshin ekpe alýdy biz qoldaımyz. Óz kezegimizde meshitterde túsindirý jumystaryn turaqty uıymdastyryp turamyz. ıAǵnı jamaǵatty vaktsına jáne revaktsına alýǵa shaqyramyz. Koronavırýs indetin jeńemiz desek, ekpe alǵan jón», - dedi Erbolat Júsipov.

Sondaı-aq, ımam kópshilikti tolǵandyrǵan vaktsına halal ma álde haram ba degenge qatysty túsinik berdi.

«Jıi qoıylatyn suraq. Dinı saladaǵy pátýaǵa jaýapty mamandar koronavırýsqa qarsy vaktsınany sharıǵatqa saı adal, ruqsat berilgenin aıtty. Jalpy vaktsınatsııa naýqany endi bastalǵan kezde jamaǵat tarapynan suraq kóp boldy. Turaqty túsindirý jumysynyń nátıjesinde búginde adamdardyń ekpege qatysty pikiri oń deýge bolady», - deıdi ol.

Buǵan deıin habarlaǵanymyzdaı búgin elordada dinı birlestikter ókilderi revaktsına jasatty.



Avtor Álı Ibraev
Basty sózder: Vaktsına, Din,
Joǵary qaraı