Aýa raıy
Astana -9 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýsqa qarsy vaktsına ázirleýdi saıasılandyrýǵa jol bermeý kerek - Toqaev

2020 jyldyń 23 qyrkúıek 2020 20:15

NUR-SULTAN. QazAqparat - COVID-19 indetine qarsy vaktsına ázirleý máselesin saıasılandyrýǵa jol bermeý kerek. Bul týraly BUU Bas Assambleıasy 75-sessııasynyń jalpysaıası debattarynda sóz sóılegen QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Koronavırýs indeti jappaı tarala bastaǵannan keıin BUU-nyń túrli qorlary men baǵdarlamalary daǵdarysqa qarsy turý úshin dereý jumyldyryldy. Alaıda, halyqaralyq qoǵamdastyq atalǵan baǵytta budan da kóp shara qabyldaýy kerek»,- dedi QR Prezıdenti.

Memleket basshysy densaýlyq saqtaý isiniń qýatty jahandyq júıesin qurý maqsatynda damyǵan elder men BUU agenttikteriniń ýaqytyly jáne úılesimdi qoldaýy arqyly damýshy elderdiń medıtsınalyq mekemelerindegi ulttyq ınstıtýttardy jańǵyrtýǵa basymdyq berý qajettigin basa aıtty.

«COVID-19 indetine qarsy vaktsına ázirleý máselesin saıasılandyrýǵa jol bermeý kerek. Atalǵan mańyzdy máselede ınvestıtsııa jáne saýda jónindegi jan-jaqty halyqaralyq kelisimge qol jetkizý qajet. Bul jahandyq deńgeıdegi vaktsına óndirisine jáne ony jetkizý barysynda logıstıkalyq tasymaldyń tıimdiligine septigin tıgizedi», - dedi Qasym-Jomart Toqaev.


Joǵary qaraı