Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýsqa qarsy revaktsınatsııaǵa daıyndyq qalaı júrgizilip jatyr

2021 jyldyń 15 qazan 2021 13:48

ALMATY. QazAqparat – Qarasha aıynda elimizde halyqty qaıta vaktsınatsııalaý bastalady. Bul naýqanǵa Almaty qalasy qalaı daıyndalyp jatyr QazAqparat tilshisi anyqtap kórdi.

«Búgin kúni Almaty qalasynda «Sputnik V» vaktsınasynyń birinshi komponentiniń 16 myńnan astam dozasy bar. «Vero Cell» vaktsınasynyń birinshi komponenti shamamen 150 myń doza, QazCovid-in vaktsınasynyń 30 myńǵa jýyq dozasy tur. Tıisinshe, ekinshi komponent sondaı mólsherde. Turǵyndardy jappaı vaktsınatsııalaý jalǵasyp jatyr. Vaktsınalar ár emhanada jáne ekpe pýnktterinde jetkilikti «, -dedi Almaty qalalyq ortalyq klınıkalyq aýrýhanasy dırektorynyń orynbasary Elvıra Ibragımova.
Belgili bolǵanyndaı, revaktsınatsııa bıylǵy jyldyń qarasha aıynyń úshinshi onkúndiginde bastalady.
«Esterińizde bolsa, alǵashqy ekpe aqpan aıynda bastalǵan. 1950 qyzmetker vaktsınatsııalandy, onyń ishinde birinshi kezekte – medıtsına, polıtsııa qyzmetkerleri men muǵalimder boldy. Revaktsınatsııada da osy kontıngentten bastalady. Oǵan vaktsınanyń belgili mólsheri bar.
Revaktsınatsııa úshin vaktsınanyń 1 dozasy qoldanylady. Vaktsınatsııanyń tolyq kýrsynan keıin 6-9 aıdan keıin qosymsha dozany engizý usynylady. Bul rette vaktsına saldyrǵan qazaqstandyqtar birneshe topqa bólinedi. vektorlyq (Spýtnık V) vaktsınany saldyrǵandar toǵyz aıdan keıin ınaktıvtelgen (Sinopharm, CoronaVac, Hayat-Vax, QazCovid-in) nemese m-RNQ (Pfizer) vaktsınasyn qosymsha saldyra alady; ınaktıvtelgen (Sinopharm, CoronaVac, Hayat-Vax, QazCovid-in) vaktsınalaryn saldyrǵandarǵa alty aıdan keıin vektorlyq (Spýtnık V) nemese m-RNQ (Pfizer) vaktsınasyn qaıta alýǵa bolady; m-RNQ (Pfizer) vaktsınasyn alǵandar alty aıdan keıin ınaktıvtelgen (Sinopharm, CoronaVac, Hayat-Vax, QazCovid-in) nemese vektorlyq (Spýtnık V) vaktsınasyn qaıta saldyra alady; vaktsınalaý kýrsy aıaqtalǵannan keıin koronavırýspen aýyrǵandar jazylǵanyna úsh aıdan soń qaıta vaktsına saldyra alady»,- dedi dáriger.
Revaktsınatsııanyń aldynda adamdar óz betinshe antıdenelerge test tapsyra alady.
«Revaktsınatsııadan buryn turǵyndar óz erkimen antıdenelerge test tapsyra alady. Emhana deńgeıinde mundaı zertteý júrgizilmeıdi. Eger siz revaktsınatsııa jasamas buryn antıdenelerdiń tıtrin bilgińiz kelse, Siz ózińiz test tapsyra alasyz. Revaktsınatsııa adam vaktsınatsııanyń tolyq kýrsyn alǵan kezde júrgiziledi», - dep qosty dáriger.


Joǵary qaraı