Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýsqa qarsy Pfizer vaktsınany saqtaý talaptary qandaı

2021 jyldyń 21 qazan 2021 15:07

ALMATY. QazAqparat - Almaty qalalyq qoǵamdyq densaýlyq saqtaý basqarmasynyń basshysy Narıman Tabynbaev brıfıng barysynda koronavırýsqa qarsy Pfizer vaktsınasy qandaı jaǵdaıda saqtalýy kerektigin túsindirdi, dep habarlaıdy QazAqparat tilshisi.

Narıman Tabynbaev Almatydaǵy barlyq 137 egý pýnktine Pfizer vaktsınasy jetkiziletinin atap ótti.

«Úkimet birinshi kezeńde vaktsınalanatyn úsh basym topty anyqtap berdi. Qazir qalaǵa Pfizer preparatyn ákelý josparda. Sonymen qatar, bul vaktsınany mektepterge barý arqyly júrgizýge ruqsat etiledi. Aıta keteıin, vaktsınatsııa erikti túrde jáne ata-analardyń kelisimimen júrgiziledi», - dedi spıker.

Sonymen qatar, ol vedomstvoda vaktsınany saqtaý boıynsha naqty nusqaýlar bar ekenin tilge tıek etti.

«Pfizer vaktsınasy – 60-90 gradýs temperatýrada saqtalýy tıis. Bul ázirleýshilerdiń basty talaby. Eritilgennen keıin ampýlalardy 2-8 gradýs temperatýrada saqtaýǵa bolady. Preparatty jalpy alǵanda 30 kúnge deıin sýyq tizbekti saqtaı otyryp qoldanýǵa bolady, osy ýaqyt ishinde ol óziniń qasıetterin saqtaıdy», - dep tolyqtyrdy Narıman Tabynbaev.


Avtor Alma Muqanova
Basty sózder: Vaktsına, Koronavırýs, Almaty,
Joǵary qaraı