Aýa raıy
Astana -1 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýsqa qarsy qazaqstandyq vaktsına klınıkalyq synaqtyń alǵashqy satysynan ótýde

2020 jyldyń 25 qyrkúıek 2020 17:08

NUR-SULTAN. QazAqparat – Qazaqstanda koronavırýsqa qarsy ekpe egý naýqany qashan bastalady? Bul suraqqa Densaýlyq saqtaý mınıstrliginiń resmı ókili Baǵdat Qojahmetov jaýap berdi, dep habarlaıdy QazAqparat tilshisi.

«Qazirgi tańda álemdik vaktsınalardyń ishinde jyldamdyǵy boıynsha ozyq shyqqany – Reseı jáne Oksford ekpesi. Ókinishke qaraı, Oksford vaktsınasyn synaý barysynda adam aǵzasyna keri áser etetin bir belgi anyqtaldy. Osynyń saldarynan ony zertteý jumystary toqtap qaldy. Reseılik vaktsına klınıkalyq synaqtyń úshinshi satysynan ótýde. Oǵan 10 myńdaǵan adam qatysyp jatyr. Bul – ekpe protsesi emes, klınıkalyq zertteý satysy. Osyny shatastyrmaý kerek», - dedi Baǵdat Qojahmetov OKQ-da ótken baspasóz máslıhatynda.

Onyń aıtýynsha, qazaqstandyq vaktsına da óte jaqsy nátıje kórsetip otyr.

«Densaýlyq saqtaý mınıstrliginiń sarapshylarynan quralǵan top Jambyl oblysyndaǵy zerthanany kórip qaıtty. Ázirge qazaqstandyq vaktsına klınıkalyq synaqtyń alǵashqy fazasynan ótip jatyr. Aldaǵy aılarda atqaratyn qaýyrt jumys kóp. Bul baǵyttaǵy isti jalǵastyramyz», - dedi ol.


Joǵary qaraı