Aýa raıy
Astana 8 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýsqa qarsy qazaqstandyq vaktsına klınıkalyq synaqtan óte bastady

2020 jyldyń 17 qyrkúıek 2020 17:07

NUR-SULTAN. QazAqparat - Koronavırýsqa qarsy qazaqstandyq vaktsınany klınıkalyq zertteý bastaldy, dep habarlaıdy QazAqparat Bilim jáne ǵylym mınıstrligine silteme jasap.

QR BǴM Ǵylym komıtetiniń Bıologııalyq qaýipsizdik problemalary ǵylymı-zertteý ınstıtýtynda ázirlengen koronavırýs ınfektsııasyna qarsy QazCovid-in vaktsınasyn klınıkalyq zertteý bastaldy.

«Vaktsınany klınıkalyq zertteý 18-50 jas aralyǵyndaǵy deni saý eresek eriktiler arasynda júrgiziledi. Vaktsınanyń qaýipsizdigin anyqtaýǵa baǵyttalǵan zertteýdiń I fazasyna koronavırýspen aýyrmaǵan jáne antıdeneleri joq 44 erikti qatysady. Immýnogendilikti zertteýge baǵyttalǵan ekinshi fazada 200 eriktiniń qatysýy josparlanyp otyr» delingen habarlamada.

BQPǴZI-ǵa klınıkalyq zertteýlerge qatysýǵa nıet bildirgen eriktilerden 688 ótinish kelip túsken. Bilim jáne ǵylym vıtse-mınıstri Mıras Dáýlenov cenim bildirgenderge alǵys aıtty.

Klınıkalyq zertteýler QR Densaýlyq saqtaý mınıstrliginiń «Ulttyq ftızıopýlmonologııa ǵylymı ortalyǵy» RMK jáne «Sentre for Clinical Medicine and Research» JShS-de ótedi.


Joǵary qaraı