Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: Teńiz kenishinde karantındik shekteýler uzartyldy

2021 jyldyń 22 qańtar 2021 03:40

ATYRAÝ. QazAqparat - Atyraý oblysyndaǵy Teńiz kenishinde karantındik shekteý sharalarynyń merzimi uzartyldy. Bul týraly oblystyń bas sanıtar dárigeriniń jańa qaýlysynda aıtylǵan, dep habarlaıdy QazAqparat.

«Teńiz ken ornynda karantındik jáne shekteý sharalary epıdemıologııalyq jaǵdaı turaqtalǵanǵa deıin uzartylsyn», - delingen qujatta.

Sondaı-aq, «Teńizshevroıl» JShS-ǵa, Teńizdegi jedel shtab pen merdigerlik uıymdardyń, basqa da kásiporyndar basshylaryna COVID-19 oshaqtaryn oqshaýlaý boıynsha naqty is-sharalar josparyn ázirleý, koronavırýstyń sımptomsyz túrin juqtyrǵan naýqastardy oqshaýlaý úshin Teńiz ken ornynda qosymsha karantındik oryndar ashý, shekteý jáne karantındik sharalardy qatań túrde júzege asyrý, vahtaǵa kirer aldynda jumysshylardy ornalastyrý úshin uıymdastyrylǵan karantındik oryndardy talapqa saı sáıkestendirý mindettelgen.

Eske sala ketelik, buǵan deıin Atyraý oblysynda kópshilikke arnalǵan is-sharalardy ótkizýge tyıym salynǵanyn habarlaǵan bolatynbyz.


Joǵary qaraı