Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs taralýy: Qazaqstannyń eki oblysy — qyzyl aımaqta

2020 jyldyń 9 qarasha 2020 16:26

NUR-SULTAN. QazAqparat - QR Premer-Mınıstri Asqar Mamın Qazaqstan aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııanyń (VAK) selektorlyq otyrysyn ótkizdi, dep habarlaıdy primeminister.kz.

Erte vaktsınatsııalaý, jappaı maska taǵý rejımin jáne ara qashyqtyqty saqtaý sharalarynyń arqasynda bıyl kúzde halyqtyń pnevmonııamen jáne JRVI-men syrqattanýshylyǵy turaqty tómendeý dınamıkasyna ıe. Mysaly, tek qazan aıynda osy jyldyń qyrkúıek aıymen salystyrǵanda, pnevmonııamen aýyrǵandar sany 26%-ǵa, 24,8 myńnan 18,3 myńǵa deıin azaıdy, al jiti respıratorlyq vırýstyq ınfektsııamen aýyrǵandar 7,6%-ǵa, 286,8 myńnan 265,3 myń adamǵa deıin azaıǵan.

Ótken jylmen salystyrǵanda JRVI-men aýyrý 1,7 ese – 2019 j. qazandaǵy 441,2 myńnan bıyl qazanda 265,3 myńǵa deıin tómendedi. Sonymen qatar barlyq óńirde COVID-19-ben aýyrý jaǵdaılarynyń artqany baıqalady. Vırýstyń reprodýktıvtik ındeksi respýblıka boıynsha – 1,2, ınfektsııalyq tósek oryndarynyń toltyrylýy 21%, reanımatsııalyq tósek oryndarynyń júktemeligi 17% quraıdy.

Shyǵys Qazaqstan jáne Pavlodar oblystary — qyzyl aımaqta, Batys Qazaqstan, Qostanaı, Aqmola jáne Soltústik Qazaqstan oblystary — sary aımaqta.

Premer-Mınıstr qyzyl jáne sary aımaqtardaǵy óńirlerdiń ákimderine jaǵdaıdy turaqtandyrý boıynsha qosymsha sharalar qabyldap, máseleni erekshe baqylaýda ustaýdy tapsyrdy.


Joǵary qaraı