Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Koronavırýs: ShQO-daǵy aýrýhanalarda 90 kúnge jetetin dári-dármek qory bar

2022 jyldyń 24 qańtar 2022 14:57

ÓSKEMEN. QazAqparat – Shyǵys Qazaqstan oblysyndaǵy medıtsınalyq mekemelerde 90 kúnge jetetin dári men jeke qorǵaný quraldarynyń qory bar, dep habarlaıdy QazAqparat tilshisi.

ShQO ákimdiginiń málimetine súıensek, óńirde halyqqa koronavırýsqa qarsy vaktsına saldyrý jumystary belsendi júrgizilýde. Jalpy oblys boıynsha 343 ekpe kabıneti ashylǵan. Aýyldarda jyljymaly pýnktter men mobıldi keshender uıymdastyryldy.

«Vaktsınatsııa deńgeıi boıynsha Shyǵys Qazaqstan elimizdiń basqa óńirleri arasynda kósh bastap tur. Medıtsınalyq mekemelerde 90 kúnge jetetin dári men jeke qorǵanys quraldarynyń qory bar. 18 kompıýterlik tomograf, 67 rentgen jáne 370 ókpeni jeldetý apparaty jumys istep tur. PTR-testileýdi 20 zerthana júrgizedi», - delingen aqparatta.

Sońǵy 5 jyl ishinde aýrýhanalarǵa halyqaralyq standarttarǵa sáıkes keletin 3 myńnan astam zamanaýı jabdyq satyp alynǵan. Jedel járdem avtokólikteriniń parki 216 kólikke jańartyldy.

«Koronavırýs pandemııasy jaǵdaıynda densaýlyq saqtaý júıesiniń tıimdiligin arttyrý máseleleri óte ózekti. Sondyqtan osy baǵyttaǵy jumystar aldaǵy ýaqytta da jalǵaspaq. Osy rette, aýyldardaǵy medıtsınalyq mekemelerdi jabdyqtaý jáne olardy joǵary deńgeıge kóshirý boıynsha da sharalar qabyldanýda», - delingen málimette.


Joǵary qaraı