Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs: ShQO-da keıbir dárigerler ústemeaqyny zańsyz alǵan

2021 jyldyń 19 qazan 2021 18:11

ÓSKEMEN. QazAqparat – Shyǵys Qazaqstan oblysynda koronavırýspen kúreskenderge beriletin ústemeaqyny keıbir dárigerlerdiń zańsyz alǵany anyqtaldy, dep habarlaıdy QazAqparat tilshisi.

Bul jaıly onlaın formatta ótken jınalys barysynda QR Sybaılas jemqorlyqqa qarsy is-qımyl agenttigi ShQO boıynsha departamentiniń basshysy Erlan Jalmaǵambet málim etti.

«Bıýdjet qarajatyn jymqyrý faktisi boıynsha Shar qalalyq aýrýhanasynyń laýazymdy tulǵalaryna qatysty qylmystyq is qozǵaldy. Belgili bolǵandaı, olar COVID-19 ınfektsııasymen kúreskenderge beriletin ústemeaqyny aýrýhana qyzmetkerlerine negizsiz taǵaıyndaǵan. Osynyń saldarynan memleketke 1,5 mıllıon teńge mólsherinde materıaldyq shyǵyn keltirildi», - dedi ol.

Osyǵan oraı oblystyq densaýlyq saqtaý basqarmasyna quzyrettiligindegi medıtsınalyq uıymdardy esepke alý, jalaqy jáne koronavırýspen kúresken qyzmetkerlerge beriletin ústemeaqylar boıynsha tekserý josparyn bekitý usynyldy. Eger qandaı da bir zańbuzýshylyq anyqtalsa, tıisti materıaldar quqyq qorǵaý organdaryna jiberiledi.


Joǵary qaraı