Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs pen pnevmonııa ókpede daq qaldyra ma – Maman pikiri

2020 jyldyń 30 qazan 2020 07:28

NUR-SULTAN. QazAqparat – Ulttyq kardıohırýrgııa ortalyǵynyń radıologııa bóliminiń meńgerýshisi, medıtsına ǵylymdarynyń doktory, Qazaqstan radıologııalyq qoǵamynyń vıtse-prezıdenti Taıyrhan Dáýitov koronavırýs pandemııasy kezinde qalaı jumys istegenderin, kompıýterlik tomografııanyń qanshalyqty tıimdi ekenin aıtyp berdi, dep habarlaıdy QazAqparat tilshisi.

«Koronavırýs ınfektsııasy anyqtalǵan naýryz aıynda naýqastar kóp bolǵan joq. Naǵyz sharyqtaý shegi – mamyr, maýsym, shilde aılarynda boldy. Onda kóptegen klınıkalar jáne provızorlyq ortalyqtar eki aýysymmen jumys istep júrdi. Al qala syrtyndaǵy týberkýlezge qarsy ftızıopýlmonogııalyq ortalyq táýlik boıy jumys istep turdy. Mundaı suranystyń basty sebebi – kompıýterlik tomografııanyń ókpe aýrýlaryn anyqtaýdaǵy tıimdiligi dep esepteımin. Sebebi koronavırýstyq ınfektsııanyń alǵashqy satysynda rentgen eshteńe kórsetpeıdi. Halyqaralyq deńgeıde moıyndalǵan ádis – kompıýterlik tomografııa boldy. Bir qyzyq derek, Qazaqstan radıologtar qoǵamy – Eýropa qoǵamynyń, Azııa jáne Tynyq muhıty radıologtary qoǵamynyń múshesi. Solarmen forým jasaǵanda, Azııa elderiniń barlyǵynda maýsym-shilde aılarynda KVI naýqastary kóbeıgenin bildik», - dedi dáriger QazAqparat tilshisine bergen suhbatynda.

Dáriger kompıýterlik tomografııa men rentgendik tekserýdiń aıyrmashylyǵyn túsindirip berdi.

«Joǵaryda atap ótkenimdeı, ókpe aýrýlaryn anyqtaýdaǵy halyqaralyq moıyndalǵan ádis – kompıýterlik tomografııa boldy. Ony halyqaralyq radıologtar qoǵamy, MAGATE moıyndaǵan. Al rentgen profılaktıka úshin qoldanylady nemese aýyr jaǵdaıda jansaqtaý bóliminde jatqandardy kompıýterlik tomografııaǵa apara almaǵan jaǵdaıda ǵana qoldanady. Ókpeniń neshe paıyzǵa zaqymdalǵanyn rentgen emes, kompıýterlik tomografııa kórsete alady.

Sosyn kompıýterlik tomografııanyń dozalyq júktemesi óte tómen. Adamdar radıatsııa dep qashpaýy kerek. Kez kelgen adam ushaqqa mingende jylyna 2-3 mıllızıvert alýy múmkin. Kompıýter de sondaı doza, tipti odan da az bolady. Máselen, onkologııalyq naýqastar jylyna 1-2 ret tekserýden ótedi. Odan aǵzaǵa zaqym kelmeıdi. Tıisinshe, jylyna neshe ret túsýge bolady degen uǵym joq. Dárigerler tekserip, dene qyzýy, entigý jáne ókpeden syryl estilse, kompıýterlik tomografııaǵa jiberedi», - dep túsindirdi Taıyrhan Dáýitov.

Sonymen birge, maman «KVI, pnevmonııamen aýyrǵandardyń ókpesinde iz qala ma?» degen suraqqa jaýap berdi.

«Kompıýterlik tomografııadan kórinýi múmkin. Biraq qaıta tekserýge kelgen naýqastardyń kópshiliginde ókpe 1-2 aıdan keıin izsiz jazylyp keledi. Bul jerde ilespe aýrýlar óte kóp yqpal etedi. Bronhıt, HOBL, qant dıabetimen aýyratyndarda koronavırýs ınfektsııasynan keıin iz qalýy múmkin. Al densaýlyǵy jaqsy adamdardyń ókpesinen tipti kompıýterlik tomografııamen de eshqandaı iz kórinbeıdi. Naýqasty aman alyp qalý da osy ilespe aýrýlarǵa tikeleı baılanysty. Kóp jaǵdaıda ımmýnıtetti túsiretin qant dıabeti, onkologııalyq aýrýy barlar qaıtys boldy», - deıdi dáriger.

Onyń aıtýynsha, Dúnıejúzilik densaýlyq saqtaý uıymynyń talabyna sáıkes, 100 myń halyqqa 1 kompıýterlik tomografııa bolýy qajet.

«Elordada 1 mln halyqqa onshaqtysy jetedi degen sóz. Al bizde Nur-Sultan qalasynda jeke klınıkalardy qosqanda, 20 kompıýterlik tomografııa bar. Qazaqstan boıynsha 170 kompıýterlik tomografııa. Demek, olardyń basym bóligi Nur-Sultan men Almaty qalalarynda ornalasqan», - dedi T. Dáýitov.

Sóz sońynda dáriger koronavırýs pen pnevmonııadan qorǵaný boıynsha turǵyndarǵa keńes berdi.

«Koronavırýstyń taǵy bir tolqyny kelse de, jeńil ótedi dep oılaımyn. Óıtkeni adamdar kóndikti, baıaǵydaı dúrlikpe joq. Maska, dezınfektsııalyq rejım saqtalýda. Eń bastysy, ımýnıtet pen psıhologııalyq turǵyda myqty bolý kerek. Adamnyń úreıge berilýi de ımmýnıtetke tikeleı áser etedi. Іlespe aýrýlardan saqtaný kerek. Sosyn qonaq pen toıdan áli de tartynýymyz kerek. Biz toıshyl halyqpyz. Karantınnen aman-esen shyqtyq, jýaıyq degen áńgimeni qoıý kerek. Endi koronavırýs kelmeıdi dep arqany keńge salýǵa da bolmaıdy. Keı elderde qorǵanys kıimderi, maska taǵý tutas mádenıetke aınalyp ketti ǵoı. Biz de jeke gıgıena men oqshaýlanýdy ustansaq, dárigerlerge kóp kómektesken bolar edik», - deıdi dáriger.


Joǵary qaraı