Aýa raıy
Astana 16 °S
Almaty 18 °S
valıýta baǵamy
USD 412.55
EUR 468.66
RUB 5.79
CNY 58.80

Koronavırýs pandemııasy Qazaqstandaǵy eńbek naryǵyna qalaı áser etti

2020 jyldyń 2 shilde 2020 11:10

NUR-SULTAN. QazAqparat - Koronavırýs pandemııasynyń áserinen eń aldymen daıashylar, júk tıeýshiler, tazalaýshylar, satýshylar, as úı jumysshylary jáne basqa da turaqsyz jumys isteıtin qyzmetkerler zardap shegýi múmkin. Bul jóninde Eńbek resýrstaryna damytý ortalyǵyna silteme jasap QazAqparat habarlaıdy.

COVID-19 pandemııasy jumyspen qamtý salasyndaǵy belsendilikti aıtarlyqtaı álsiretip, Qazaqstannyń eńbek naryǵynda óz túzetýlerin engizdi. Osyǵan baılanysty, WDC (Eńbek resýrstaryn damytý ortalyǵy) eldegi jumyspen qamtýǵa pandemııanyń áserin zertteýge arnalǵan «COVID-19 pandemııasy aıasynda Qazaqstan Respýblıkasynyń eńbek naryǵy» atty kezekti taldamalyq sholýyn daıyndady. Sonyń nátıjesinde ortalyq sarapshylary birqatar mańyzdy tujyrymdarǵa keldi.

Máselen, ótken jyldyń osy kezeńimen salystyrǵanda Elektrondyq eńbek bırjasynda (EEB) Enbek.kz túıindemeler men bos oryndar sany tótenshe jaǵdaı saldarynan 35%-dan 23%-ǵa tómendedi. Alaıda mamyr aıynda tótenshe jaǵdaı rejımi men qatań karantın toqtatylǵan kezde túıindeme sany da, bos oryndar sany da belsendi qalpyna kele bastady. Osylaısha, EEB túıindemeler men bos oryndar sany mamyr aıynda sáýir aıymen salystyrǵanda 1,6 jáne 3,5 ese ósti.

Búginde qurylys salasy «jańa bos jumys oryndary» jıi ashylatyn basty salaǵa aınaldy. Osylaısha, EEB-da qurylys salasyndaǵy bos oryndardyń úlesi qańtar-mamyr aralyǵynda 8%-dan 43%-ǵa deıin ósti. Mundaı úrdis maýsymdyq jumystardyń jandanýymen, sondaı-aq daǵdarysqa qarsy memlekettik sharalar jıyntyǵyn, onyń ishinde «Jumyspen qamtýdyń jol kartasyn» iske asyrýmen baılanysty bolýy múmkin.

Óz kezeginde, óńirler bólinisinde TJ-dan keıin (mamyr aıynda) eń kóp bos oryndary - Almatyda, Nur-Sultan men Qostanaıda ( mamyr aıynda qurylǵan barlyq b os oryndar sanynyń 29%-y ) quryldy. Al 2020 jyldyń 5 aıynda eń kóp túıindemeler Túrkistan, Jambyl jáne Almaty oblystaryna tıesili (2020 jyldyń qańtar-mamyr aılarynda usynylǵan túıindemeler sanynyń 31%-y). Aıta ketsek, atalmysh úsh ońtústik óńir 2020 jyldyń qańtar-mamyr aılarynda halyqty Jumyspen qamtý ortalyqtarynda tirkelgender sany – 102 myń adam nemese jumys izdep júrgen adamdardyń jalpy sanynyń 32%-y boıynsha kóshbasshylar qatarynda.

Jalpy, WDC baǵalaýy boıynsha Qazaqstanda tehnıkalyq jumyssyzdar sany sáýirde 4,2 mln adamnan mamyrda 1,1 mln adamǵa jáne maýsymda 735 myń adamǵa deıin tómendedi. Bul rette kásibı toptar bólinisinde kóbine koronavırýs pandemııasynyń áserinen daıashylar, júk tıeýshiler, tazalaýshylar, satýshylar, as úı qyzmetkerleri jáne basqa biliktiligi tómen jáne turaqsyz jumys isteıtin qyzmetkerler zardap shegýi múmkin.

Salalar bólinisinde COVID-19 pandemııasy sońǵy jyldary ekonomıkada mańyzy artqan «qyzmet kórsetý» salasyna eń aýyr soqqy jasady.

Sonymen qatar, WDC taldaýshylary Ulttyq ekonomıka mınıstrligi Statıstıka komıtetiniń resmı derekterine sáıkes aǵymdaǵy jyldyń birinshi toqsanyndaǵy jaǵdaı boıynsha, ıaǵnı pandemııa bastalǵanǵa deıin Qazaqstandaǵy jumyssyzdar sany 442 myń adamdy quraǵanyn eske salady.

«COVID-19 pandemııasy aıasynda Qazaqstan Respýblıkasynyń eńbek naryǵy» atty WDC taldamalyq sholýynyń tolyq nusqasyn myna siltemeden kóre alasyzdar.


Joǵary qaraı