Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs pandemııasy adamdardyń psıhologııasyna qalaı áser etti

2021 jyldyń 25 qazan 2021 13:21

ALMATY. QazAqparat – Koronavırýs pandemııasy kópshiliktiń psıhologııasyna jaısyz áser etti. Aqparat aǵyny jyldam zamanda vırýs týraly santúrli alypqashpa jańalyq eldiń kóńilinde úreı men qorqynysh týǵyzdy. Bul týraly S. J. Asfendııarov atyndaǵy Qazaq ulttyq medıtsına ýnıversıtetinde ótken baspasóz máslıhatynda psıhıatrııa salasyndaǵy jetekshi maman aıtty, dep habarlaıdy QazAqparat tilshisi.

Baspasóz máslıhaty barysynda V.M. Behterev atyndaǵy Ulttyq medıtsınalyq psıhıatrııa jáne nevrologııa zertteý ortalyǵynyń dırektory Nıkolaı Neznanov pandemııa adam psıhologııasyna keri áser etkenin aıtty.

«Kez kelgen úreı negatıv áser qaldyrady. Eger adam aýrý juqtyryp alamyn dep qoryqsa, adamnyń aǵzasy jalǵan sımptom sezinýi múmkin. Koronavırýs adamdardy jappaı qıyn psıhologııalyq halge ákeldi. Bireýler jumysynan aıyryldy, bireýler ishimdikke salyndy. Ózin-ózi oqshaýlaý, adamdarmen qatynasty úzý bizdiń ádettegi ómirimizge kóp ózgeris ákeldi. Ádette depressııa birneshe kún ishinde aıaqtalýy tıis. Al eger klınıkalyq depressııa týraly aıtatyn bolsaq, mundaı jaǵdaı birneshe aptaǵa, aıǵa sozylady. Kúızelis kóp jaǵdaıda syrtqy faktorlardyń áserinen týyndaıdy. Eger ony kovıd jaǵdaıyna ekstrapolıatsııa jasasaq, bul - vırýstyń áseri ǵana emes, sonymen birge oqshaýlaý, jaǵdaıdy boljaý problemalary», - dedi dáriger.

Onyń aıtýynsha, kúızelistiń ósýi jahandaný men aqparattyń tez taralýynan týyndap otyr.

«Negizgi teris áserler aqparattyń jańa tolqynynan paıda bolady. Mundaıda adamdar jaǵymsyz emotsııa sezinedi. Álbette, ár adamda jaǵdaı ártúrli bolady. Bireý buryshqa tyǵylady. Bireý agressıvti bola bastaıdy. Eń aldymen qaı jaǵdaıda da ómirdiń ekstremaldy logıkasy qazir shynaıy bolyp jatqan nárse ekenin moıyndaý kerek. Yńǵaıyna tósele bilýge tyrysqan jón. Qorqynyshtan arylý úshin mıdy tynyshtandyratyn ispen aınalysqan abzal»,- deıdi ol.

Alaıda, onyń pikirinshe, dári-dármek - eń sońǵy ádis.

«Dárini jaqsy ómirden qabyldamaımyz. Bul - árdaıym adamnyń jaǵdaıy men fızıkalyq jáne ıntellektýaldyq máselesi. Dári tosqaýyl qoıa alady. Eger antıdepressant týraly aıtatyn bolsaq, olar kóńil-kúıdi turaqtandyrady jáne jaqsartady, biraq kúızelis máselesin sheshpeıdi. Sondyqtan barynsha úreıge boı aldyrmaǵan jón»,- dedi Nıkolaı Neznanov.


Joǵary qaraı