Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Koronavırýs ókpe men júrek-qan tamyr júıesine áser etedi- reabılıtolog

2021 jyldyń 23 qyrkúıek 2021 14:47

ALMATY. QazAqparat- Koronavırýspen aýyrǵan naýqastar emotsıonaldy qıyndyqtarǵa ushyraýy múmkin. Bul týraly Almaty qalalyq №4 qalalyq emhanasynyń reabılıtology Aıgúl Soltanbek aıtty, dep habarlaıdy QazAqparat tilshisi.

Aıgúl Soltanbektiń aıtýynsha, aýrýdyń aldyn alý óte mańyzdy jáne bul úshin maska rejımin saqtaý qajet. Azamattar halyq kóp jınalatyn jerlerde maska kıip, olardy durys kııýdi ádetke aınaldyrýy qajet.

Sonymen qatar, ol aýrýǵa shaldyqqandardyń barlyǵy ońaltýdan ótýleri tıis ekenin tilge tıek etti. Tipti, dert jeńil ótse de.

«Jalpy alǵanda, ár naýqas saýyǵyp ketýi múmkin, bul úkim emes. Biz koronavırýstyń ókpe men júrek-qan tamyr júıesine áser etetinin jıi baıqaımyz. Sondyqtan ońaltý emdelý kezeńinde bastalady jáne shyǵarylǵannan keıin jalǵasady – emhanada nemese úıde. Ońaltýdyń qarsy kórsetilimderi bar, sondyqtan ár naýqas úshin naqty sharalardy emdeýshi dáriger anyqtaıdy. Siz aýyr aýrýdan keıin de saýyǵyp kete alasyz», - dedi dáriger.

Aıgúl Soltanbek naýqastadyń ókpesi 10% ǵana zaqymdalǵanymen, derttiń aýyr bolýy múmkin ekenin atap ótti.

«Dárigerler ókpeniń zaqymdaný dárejesine emes, aǵzanyń rezervine nazar aýdarady. Biz ókpeniń ǵana emes, basqa músheler men júıelerdiń zaqymdalýyn da emdeımiz», - dep tolyqtyrdy reabılıtolog.

Koronavırýs ınfektsııasynan keıin naýqastarda pnevmoskleroz men ókpe fıbrozy qaýpi joǵary bolady.

«Bizdiń emhana emdelýdiń úshinshi kezeńimen aınalysady, bul ókpeniń qalpyna kelý kezeńi. Saý kúıde olar serpindi jáne dem alatyn bolýy kerek, al fıbroz kezinde tyrtyqtar paıda bolady, sondyqtan reabılıtolog dárigerler jeke em taǵaıyndaıdy», - dedi ol.

Ókpeniń jumysyn jaqsartý jáne qandaǵy otteginiń qanyqtylyǵyn kóterý úshin emhanada tynys alý keshenderi men deneshynyqtyrýdyń arnaıy baǵdarlamalary jasaldy.

Reabılıtolog dáriger Almaty turǵyndaryn vaktsınalaýǵa shaqyrdy.

«Vaktsınalanǵan adamnyń aýrýy áldeqaıda jeńil. Mundaı naýqastardyń ımmýndyq júıesi jumylýǵa qabiletti jáne tezirek saýyǵýǵa yqpal etedi. Vaktsınalar ımmýnıtetti tómendetpeıtinin, kerisinshe ony kóteretinin bilgen jón. V tobyndaǵy vıtamınder men amınqyshqyldar da deneni qalpyna keltirýge kómektesedi», - dedi spıker.


Avtor Alma Muqanova
Basty sózder: Almaty, Koronavırýs,
Joǵary qaraı